English | عربی | Kurdî دواهەواڵ
ڕاستەوخۆ  
 
كۆدای: ئاکپارتی دەیەوێت هەدەپە لەناو بەرێت
2020-06-11 [12:41 PM]

ZNA - هه‌ولێر


 

هاوسەرۆکی پارتی دیموکراتیکی گەلان (HDP) لە ماردین دەڵێت، پارتی داد و گەشە (AKP) دەیەوێت پارتی دیموکراتیکی گەلان  (HDP)واز لە سیاسەت بێنێت.

ساڵح کۆدای، هاوسەرۆکی پارتی دیموکراتیکی گەلان (HDP) لە ماردین رایگه‌یان، رایگەیاند، هەڵمەتی ده‌ستگیركردنی پارله‌مانتارانی پارتەکەی لە لایەن حکوومەتی تورکیاوە نایاساییه‌ کە دژ بە پارتی دیموکراتیکی گەلان ئەنجام دەدرێت، تەنها بۆ لاوازکردنی و دوورخستنەوەی هەدەپەیە لە گۆڕەپانی سیاسەت.

كۆدای باسی له‌وه‌ كرد، پارتی داد و گەشە و پارتی نەتەوە پەرەست بە باشی دەزانن تەنها حزبێک دەتوانێت ڕووبەڕوویان ببێتەوە ئه‌ویش پارتی دیموکراتیکی گەلانە بۆیە هەوڵ دەدەن گۆڕەپانەکەی لێ تەسک بکەنه‌وه‌.

هاوسەرۆکی (HDP) لە ماردین وتیشی، تا ئەمڕۆ هاوسەرۆکانی حزب، سەرۆک شارەوانییەکان و ژمارەیێک زۆر لە ئەندامانی حزب لەلایەن ئاکپارتیەوە دەستگیر کراون و خراونەتە زیندان.

باسی له‌وه‌ش كرد، ئامانجی ئاکپارتی ڕوون و ئاشکرایە ئەوەش ئەوەیە کە هەدەپە واز لە سیاسەت بێنێت.

ساڵح کۆدای روونی كرده‌وه‌، پارتی دیموکراتیکی گەلان تەنها حزبی کوردەکان نییە. ئامانجی هەدەپە تەنها ئازاد کردنی میللەتێک نییە بەڵکوو دەیەوێت خزمەت بە هەموو گەلانی تورکیا بکات.

ئاماژه‌ی به‌وه‌ش كرد، پارتی دیموکراتیکی گەلان حزبێکی سەرانسەرییە و پاڵپشتی لە هەموو بیروبڕوا ئازادەکان دەکات.

 

كوردپرێس





ئەم هەواڵە 2551جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad