English | عربی | Kurdî دواهەواڵ
ڕاستەوخۆ  
 
دكتور قسمەت حاجی میرخان: باشترین رێك بۆ توش نه‌بین ب ڤایروسا كۆرۆنایێ دیركه‌فتن و ب كارنه‌ئینانا كه‌ل و په‌لێن كه‌سێ توشبوی
2020-06-12 [12:31 PM]

ZNA - هەولێر


دكتوره‌ك راگه‌هاند: یا گرنگ ئه‌وه‌ كو هاولاتی خو دیرپێخیت ژوان كه‌سا كو مه‌ترسیا كورونایێ هه‌ی‌ چونكی له‌وانه‌یه‌ هنده‌ك مالبات و جێ هه‌بن كو خه‌لكه‌كێ نه‌خوش هه‌بن بزاڤێ بكه‌ت خو دیرپێخیت ژوان جهان یا دی زورا گرنگه‌ مروف رێنماییا كاربینیت ده‌مێ دچیته‌ جهه‌كێ مه‌ترسی هه‌بیت پێتڤیه‌ ماسك و ده‌ست كێشان كاربینیت شوشتنا ده‌ستا یا گرنگه‌ دیری دناڤبه‌را وان دوو مێته‌ربن خو دیركه‌ن ژ ده‌ڤ و دفنا چونكی ڤایروس ب رێكا هه‌وای و ده‌ستی تێته‌ ڤه‌گوهاستن ئه‌گه‌ر كه‌سه‌ك توشی نه‌خوشیا كورونایێ بی چ بكه‌ت باشه‌ نابیت كاره‌كێ تایبه‌ت بكه‌ت یا گرنگ خو دیركه‌ت ژ خه‌لكی و كومه‌لگه‌هی بو هندێ دا نه‌خوشی به‌لاف نه‌بیت.

دكتور قسمەت حاجی میرخان دكتورێ پسپۆر بۆ نەخۆشیێن دڵ و هناڤا ل نەخۆشخانەیا شارێ کریستیانستاد - سوید ب ئاژانسی ھەواڵی زاگرۆس راگەهاند:مروڤێ نه‌خوشبوو تنێ حاله‌ته‌كێ په‌رسیڤێ دێ هێتێ و پلێن گه‌رم و سار و كوخك و بێتاقه‌ته‌ و دێ نیشانه‌ هه‌بن و چێدبیت هندی مروڤ توشی ته‌نگه‌ نه‌فه‌سا توند نه‌بیت پێتڤی ناكه‌ت هیچ تشته‌كێ بكه‌ت تنێ لمالا خوبیت پاراستنێ بكه‌ت ئاڤێ ڤه‌خوت و جلێن ته‌نك و فره‌ لبه‌ربكه‌ت ژبه‌ر پلێن گه‌رمێ ئه‌گه‌ر بێهنا وی ته‌نك و توندبی پێتڤیه‌ بچیته‌ نه‌خوشخانێ و په‌یوه‌ندیێ ب جهێن كورونایێ لێ هه‌بن بكه‌ت چونكی له‌وانه‌یه‌ پێتڤی ب ئامێریت ته‌نگه‌ نه‌فه‌سێ هه‌بن سه‌ردانا نوژداری بكه‌ت به‌س یا هه‌مییا گرنكتر ئه‌وه‌ ئه‌گه‌ر مروڤ توشی نه‌خوشیا كورونایێ بی پێتڤیه‌ خو دیرگه‌ت ژ هه‌می خه‌لكێ بو وێ ئێكێ كه‌س توش نه‌بیت هه‌ست ب به‌رپرسیاره‌تیێ بكه‌ت.

دكتور قسمەت ئاشكه‌راكر: نه‌خوشیا ڤایروسا كورونایێ ب پلا ئێك تێته‌ ڤه‌گوهاستن ژ مروڤه‌كێ بۆ مروڤه‌كێ دی ب رێكا پژمین و كوخك و هه‌وایێ ده‌ڤی و ئاڤا ده‌ڤ و دفنا و كێمتر ژ مێترو نیڤا هه‌روه‌ها ب كارئینانا كه‌ل و په‌لێن كه‌سێن توشبوی ڤایروسه‌كه‌ تێته‌ ڤه‌گوهاستن خو پاراستن زورا گرنگه‌ ده‌ست نه‌كرنا وان جهان كو كه‌سێ توشبوو ده‌ستێ خو كربیتێ تایبه‌تی ل نه‌خوشخانا.

هه‌روه‌سا گوتژی: پلێن گه‌رمێ ڤایروسێ ژناف نابه‌ت بس له‌وانه‌یه‌ ل وه‌رزێ هاڤینێ نه‌خوشیا كورونایێ كێمتربیت چونكی ل زڤستانێ هه‌واگوركێ یا كێمه‌ ژبه‌ر سه‌رمایێ سه‌باره‌ت بكارئینانا ماسك و ده‌ستكێشان پێتڤی ناكه‌ت له‌ هه‌می جها بكاربینیت چونكی تێچونه‌كا زوره‌ لسه‌ر خه‌لكی و حكومه‌تێ تنێ ل جهین گرتی و قه‌له‌بالخ و جهێن گومان و كه‌سێن هه‌لگرێ ڤایروسێ و ئه‌و مالێت نه‌خوش هه‌ین نابیت تایبه‌ت نه‌خوشخانا كه‌سێن هه‌لگرێ ڤایروسێ له‌وانه‌یه‌ كێمترین نیشانه‌ هه‌بن هنده‌ك كه‌سان له‌وانه‌یه‌ هه‌ر نه‌بن گه‌نج كێمتر توش دبن به‌س كه‌سانێت ته‌مه‌ن و هه‌بونا چه‌ندین نه‌خوشێن دوم درێژ زورتر توش دبن ئه‌گه‌ر مرڤ توشبی پێتڤیه‌ زیترین وه‌خت هه‌می كه‌سێن ده‌وروبه‌رێ خو ئاگاداركه‌ت دا سلامه‌ت بن و توش نه‌بن هه‌روه‌ها ئاڤ و چاو قه‌هوه‌ و شه‌ربه‌ت به‌رده‌وام ڤه‌خوت و حه‌بێت پاراسول بكاربینیت بو هندێ پلا گه‌رماتیا خو دابه‌زینیت.

ل دیماهیێ ئه‌وژی دا دیاركرن: حه‌تا نوكه‌ هیچ ده‌رمانه‌ك نه‌هاتیه‌ بو چاره‌سه‌ركرنا ب ته‌مامه‌تی لێ گه‌له‌ك تێست تێنه‌كرن كو فاكسینه‌ك بێته‌ دیتن هیڤیا من ئه‌وه‌ چه‌ند هه‌یڤێن بهێت فاكسینه‌ك بێته‌ دیتن هیڤیا من ئه‌وه‌ خه‌لكێ هه‌رێما كوردستانێ دیر و پاراستی بن ژ ڤی ڤایروسێ و رێنمایێن حكومه‌تێ و وه‌زاره‌تا ته‌ندروستی و نافخو بكاربینن بۆ سه‌لامه‌تیا وان ئه‌گه‌ر به‌راورده‌كێ بكه‌ی دگه‌ل ولاتێ سوید رێژا مرنێ نزیكی 5 هزار كه‌سایه‌ ل هه‌رێما كوردستانێ رێژا مرنێ نزیكی 40 كه‌سایه‌ رێژا نیشته‌جێ ل سوید 10 ملیون كه‌سه‌ ل هه‌رێمێ 5 ملیون كه‌سه‌ رێژا مرنێ به‌راوردییه‌كا زورا هه‌ی دنافبه‌را هه‌ردوو ولاتاندا ئه‌ڤه‌ژی ڤه‌دگه‌رت بو كارمه‌ند ساخله‌میێ و نوژدار و وه‌زاره‌تا ته‌ندروستی و باشی و رێكار و پلانێن سه‌ركه‌فتی یێن حكومه‌تا هه‌رێما كوردستانێ یه‌.





ئەم هەواڵە 3433جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad