English | عربی | Kurdî دواهەواڵ
ڕاستەوخۆ  
 
لە رووداوێکی هاتووچۆدا 3کەس بونە قوربانی
2020-06-14 [07:53 AM]

ZNA-هەولێر


بەڕێوەبەرایەتی پۆلیسی ڕاپەڕین له‌ ڕاگه‌ێندراوێكدا ڕایگه‌یاند: کاتژمێر ١٢:٣٠ خولەکی شەو بەرواری ١٤/ ٦/ ٢٠٢٠ ڕوداوێکی هاتوچۆ لە سەر شەقامی سەرەکی سەیداوا لە شاری ڕانیە ڕویدا لە نێوان دوو ئۆتۆمبیل یەکەمیان لە جۆری قەمەرە سەنی و ئەوەی تریان لە جۆری قەمەرە جیتا کە شۆفێری ئۆتۆمبیلی سەنی بەناوی ( حسێن قه‌ره‌نی حه‌سه‌ن مینه‌) لەدایکبووی ساڵی ١٩٧٤ لە ڕوداوەکەدا گیانی لەدەستدا.

ڕاشیگه‌یاند: هاوکات لەکاتی ڕوداوەکەدا دوو سەرنشینی تر لە ئۆتۆمبیلی سەنیدا بریندار بوون کە لە نەخۆشخانە چارەسەری پێویستیان بۆ کراوە و تەندروستیان جێگیرە.

دوای ئەنجامدانی توێکاری پزیشکی بۆ تەرمی شۆفێری ئۆتۆمبیلی جۆری سەنی لە پزیشکی دادوەری ڕانیە ئەنجامدرا، تەرمەکەی ڕادەستی کەسوکاری کرایەوە.

مه‌لەفی لێکۆڵینەوە بۆ ڕوداوەکە کرایەوە و شۆفێری ئۆتۆمبیلی جۆری جیتا بەناوی ( ه،ج،م) لەدایکبووی ٢٠٠٢ کە لە ڕوداوەکە بریندار بوو دوای ئەوەی چارەسەری پێویستی لە نەخۆشخانە بۆ کرا، لە ئێستادا تەندروستی جێگیرە و بە بڕیاری دادوەر بەپێی مادەی ٢٤ لە یاسای هاتوچۆ ڕاگیراوە. لێکۆڵینەوە لە ڕوداوەکە بەردەوامە.

پۆلیسی ڕاپه‌ڕین هه‌روه‌ها ڕاشیگه‌یاند: ‌داوا لە شۆفێرانی خۆشەویست دەکەین پابەندی رێنماییەکانی هاتوچۆ ببن بۆ ئەوەی بەدوربن لە ڕوداوی نەخوازراوی لەو جۆرە. بەهیوای سەلامەتی بۆ هەمووان.
 





ئەم هەواڵە 2314جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad