English | عربی | Kurdî دواهەواڵ
ڕاستەوخۆ  
 
سه‌رۆكى هه‌رێمى كوردستان له‌گه‌ڵ باڵيۆزى به‌ريتانيا كۆبووه‌وه‌
2020-06-14 [08:00 AM]

ZNA_ هەولێر


ئێواره‌ى ئه‌مڕۆ يه‌كشه‌مه‌ 14/6/2020 به‌ڕێز نێچيرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ستێفن هيكى، باڵيۆزى به‌ريتانيا له‌ عێراق كرد.

له‌ كۆبوونه‌وه‌يه‌كدا كه‌ به‌ڕێز جه‌يمس سۆرنتۆن كونسولى گشتيى به‌ريتانيا له‌ هه‌ولێر ئاماده‌ى بوو، دوايين پێشهاته‌كانى بڵابوونه‌وه‌ى ڤايرۆسى كۆرۆنا و هه‌وڵ و ڕێكاره‌كانى ڕووبه‌ڕووبوونه‌وه‌ى له‌ عێراق و هه‌رێمى كوردستان، له‌گه‌ڵ كاريگه‌رييه‌كانى به‌تايبه‌تى له‌ بوارى ئابووريدا له‌سه‌ر عێراق، هه‌رێمى كوردستان و جيهان و چۆنيه‌تيى ڕووبه‌ڕووبوونه‌وه‌يان تاوتوێ كران.

ده‌ستبه‌كاربوون و به‌رنامه‌ى كار و هه‌نگاوه‌كانى حكوومه‌تى تازه‌ى فيدراڵى عێراق به‌ سه‌رۆكايه‌تيى به‌ڕێز مسته‌فا كازمى و كێشه‌ و قه‌يران و ته‌حه‌دييه‌كانى به‌رده‌مى، په‌يوه‌ندييه‌كانى هه‌رێمى كوردستان و حكوومه‌تى فيدراڵ و هه‌وڵ و ديالۆگى چاره‌سه‌ركردنى كێشه‌كانى نێوانيان له‌سه‌ر بنه‌ماى ده‌ستوورى عێراق، ته‌وه‌رێكى ديكه‌ى كۆبوونه‌وه‌كه‌ بوو.

هه‌ردوولا هه‌ڕه‌شه‌ و مه‌ترسييه‌كانى سه‌رهه‌ڵدانه‌وه‌ و به‌هێزبوونه‌وه‌ى داعشيان خسته‌ به‌ر باس كه‌ ماوه‌يه‌كه‌ جموجووڵه‌كانى له‌ چه‌ندين ناوچه‌ى عێراق په‌ره‌ى سه‌ندووه‌ و هاووڵاتيان و هێزه‌كانى عێراق به‌ ئامانج ده‌گرن، له‌مباره‌يه‌وه‌ داكۆكى له‌ گرنگيى به‌رده‌واميى پشتگيريى هاوپه‌يمانيى نێوده‌وڵه‌تى بۆ عێراق و هه‌رێمى كوردستان له‌ به‌ره‌نگاربوونه‌وه‌ى تيرۆر و هاوكارى و هه‌ماهه‌نگيى نێوان هه‌رێمى كوردستان و حكوومه‌تى فيدرالى عێراق كرايه‌وه‌.

له‌ كۆبوونه‌وه‌كه‌دا دۆخى ناوخۆى هه‌رێمى كوردستان، په‌يوه‌ندييه‌كانى به‌ريتانيا له‌گه‌ڵ عێراق و هه‌رێمى كوردستان و خواستى هه‌ردوولا بۆ به‌ره‌وپێشبردنيان، ديالۆگى ستراتيژى عێراق ـ ئه‌مه‌ريكا و چه‌ند پرسێكى ديكه‌ى جێى بايه‌خى هاوبه‌ش، باس كران.





ئەم هەواڵە 2218جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad