English | عربی | Kurdî دواهەواڵ
ڕاستەوخۆ  
 
وەزیری نەوتی عێراق: بەرهەم هێنان كەمدەكەینەوە پابەندی رێككەوتنی ئۆپێك پلەس دەبین
2020-06-15 [09:59 AM]

ZNA – هەولێر


عێراق لەگەڵ کۆمپانیا نەوتییەکان رێککەوتووە بۆ کەمکردنەوەی زیاتری بەرهەمهێنانی نەوت و وەزیری نەوتی عێراقیش دەڵێت، لەم مانگەوە رۆژانە 2.8 ملیۆن بەرمیل نەوت هەناردەدەکەن.

چەند بەرپرسێکی وەزارەتی نەوتی عێراق رایانگەیاندووە، لەگەڵ کۆمپانیای BP ی بەریتانی رێککەوتوون ئاستی بەرهەمهێنانی نەوت لە کێڵگەی روومەیلە بە بڕی رۆژانە 140 هەزار بەرمیل نەوت کەمبکەنەوە. 

وەزارەتی نەوتی عێراق لەگەڵ کۆمپانیای لووکئۆیڵی رووسی و ئێکسۆن مۆبیلیش گەیشتووەتە رێککەوتن کە لە مانگی حوزەیران بەرهەمهێنانی نەوت لە کێڵگەی ''رۆژئاوای قورنە 2'' بە بڕی رۆژانە 50 هەزار بەرمیل نەوت کەمبکەنەوە بۆ ئەوەی ئاستی بەرهەمهێنان بگەیەننە 250 هەزار بەرمیل رۆژانە، هەروەها لە کێڵگەی "رۆژئاوای قورنە 11 ئاستی بەرهەمهێنان بە بڕی رۆژانە 70 هەزار بەرمیل کەمبکەنەوە و بەم شێوەیەش ئاستی بەرهەمهێنان لەو کێڵگەیە دادەبەزێت بۆ 350 هەزار بەمیل لە رۆژێکدا. 

لە دوایین کۆبوونەوەی وڵاتانی ئۆپێک پڵەس، عێراق رایگەیاند پابەندی رێککەوتنی وڵاتانی بەرهەمهێنەری نەوت دەبێت، بەگوێرەی رێککەوتنەکە کە لە مانگی نیسان واژۆکرا و لە 7ی ئەم مانگەش درێژکرایەوە، لەکۆی 9.7 ملیۆن بەرمیل نەوت کە دەبێت بەرهەمهێنەرانی نەوت کەمیبکەنەوە، عێراق لەسەریەتی لە مانگی ئایارەوە تاوەکو سەرەتای مانگی ئاب رۆژانە 929 هەزار بەرمیل نەوت لە ئاستی بەرهەمهێنانی نەوتی خۆی کەمبکاتەوە. 

بەپێی ئامارەکان عێراق لە مانگی ئایار نەیتوانیوە پابەندی رێککەوتنەکەبێت و تەنیا 311 هەزار بەرمیل نەوتی کەمکردووەتەوە بۆیە دەبێت لە مانگی تەمووز و ئاب قەرەبووی ئەو بڕە نەوتە بکاتەوە کە لە مانگی ئایار و حوزەیران کەمینەکردووەتەوە. 

ئیحسان عەبدولجەبار، وەزیری نەوتی عێراق لە چاوپێکەوتنێکیدا لەگەڵ تەلەڤزیۆنێکی عێراقی ئاماژەی بەوەدا لە بەرژەوەندی وڵاتەکەیدایە پابەندی رێککەوتنی ئۆپێک پڵەس بێت بۆیە لە مانگی حوزەیرانەوە ئەو بڕە نەوتە کەمدەکەنەوە کە بۆیان دیاریکراوە.

 





ئەم هەواڵە 283جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad