English | عربی | Kurdî دواهەواڵ
ڕاستەوخۆ  
 
ئه‌و پاڵاوگانه‌ی سەرچاوەی بۆنە ناخۆشەكەی ھەولێر بوون، داخران
2020-06-16 [11:54 AM]

ZNA - هه‌ولێر


 

له‌ ماوه‌ی رابردوو بۆنێكی ناخۆش بەشێكی ھەولێری گرتبووه‌وه‌ و خه‌ڵكی هه‌راسان كردبوو، له‌مباره‌یه‌وه‌ لیژنەیەك بەدواداچوونی كرد و سەرچاوەی بۆنە ناخۆشەكە دۆزرایەوە، كە پاڵاوگە نەوتییە نایاساییەكانن، بڕیاردرا كە پاڵاوگەكان دابخرێن.

نەبەز عەبدولحەمید، قایمقامی ناوەندی ھەولێر رایگەیاند، دوای ئەوەی لە چەند شەوی رابردوو بۆنێكی ناخۆش دانیشتووانی ھەولێری ھەراسان كردبوو، ھەروەھا لەلایەن چەندین ھاووڵاتییەوە پەیوەندیمان پێوەكرا، لیژنەیەكی ھاوبەشمان لە پۆلیس و زێرەڤانی پێكھێنا و توانرا سەرچاوەی ئەو بۆنە پێسە بدۆزرێتەوە، كە پاڵاوگەی نایاسایی نەوتن. كەوتوونەتە ناوچەی گوێڕ و شەمامك، ھەڵمەتێكمان بۆ داخستنی ئەو پاڵاوگانە دەستپێكرد.

وتیشی، تائێستا 17 پاڵاوگەی نایاسایی داخراون، ھەر پاڵاوگەیەكی دیكەی نایاسایی ھەبێت دایدەخەین.

نه‌به‌ز عه‌بولحه‌مید، روونی كرده‌وه‌، ئەو پاڵاوگانە لە كاتێكی پێویست رێگەیان پێدراوە، بەڵام ئێستا بڕیاردراوە كە دابخرێن، ئەوانەی كە ھێشتا دانەخراون خاوەنەكانیان ئاگادار كراونەتەوە لە ماوەی 60 رۆژدا پاڵاوگەكانیان دابخەن، ئەگەرنا لیژنەكانمان پاڵاوگەكان دادەخەن و دەستیش بەسەر كەلوپەلەكانیاندا دەگیرێت.

 

K24

 





ئەم هەواڵە 1963جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad