English | عربی | Kurdî دواهەواڵ
ڕاستەوخۆ  
 
ئەمەریکا یارمەتی سەربازیی ئۆکرانیا دەدات
2020-06-17 [12:41 PM]

ZNA - هه‌ولێر


 

باڵیۆزخانەی ئەمەریکا لە ئۆکرانیا ئاشكرای كرد، ئۆکرانیا به‌بەهای 60 ملیۆن دۆلار یارمەتی سەربازی لەلایەن ئەمەریکاوە دەستکەوتووە و لەنێو یارمەتیەکاندا موشەکی گاڤلین و دژە تانیکیان تێدایە.

لە مانگی چواری ساڵی 2018 دا ئەمەریکا یەکەمین باری سیستمی موشەکی گاڤلینی ڕەوانەی ئۆکرانیا کرد کە نرخی 47 ملیۆن دۆلار بوو، ئەوەش دوای ئەوە بوو لە ساڵی 2014 دا مۆسکۆ دورگەی کریمیای گرتەخۆی و ئەوەش بووە هۆی شەڕ و پێکدادان لە ناوچەی دونباس لە ڕۆژهەڵاتی ئۆکرانیا.

لە مانگی دوانزەی ساڵی ڕابردوودا لە چوارچێوەی لێپێچینەوە لە سەرۆک دانۆڵد ترامپ لەسەر تۆمەتی ئەوەی کۆسپی خستبێتە بەردەم کارەکانی کۆنگرێس و فشاری خستبێتە سەر ئۆکرانیا تاوەکو لێکۆڵینەوە لە کوڕەکەی جۆ بایدنی کاندیدی دیموکراتەکان بکەن بۆ سەرۆکایەتی ئەمەریکا، کۆنگرێسی ئەمەریکا لێکۆڵینەوەی لە یارمەتیە سەربازییەکانی ئەمەریکا کرد بۆ ئۆکرانیا.

دیموکراتەکان وتیان سەرۆک ترامپ هەوڵیداوە یارمەتیە سەربازییەکانی ئەمەریکا بۆ ئۆکرانیا لە بەرژوەندی خۆی بەکاربهێنێت، بەڵام دواتر ئەنجومەنی سیناتی ئەمەریکا کە کۆمارییەکان تیایدا باڵا دەستن سەرۆک ترامپیان لەو تۆمەتانە بێتاوان دەرخست.

 

voa





ئەم هەواڵە 1906جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad