English | عربی | Kurdî دواهەواڵ
ڕاستەوخۆ  
 
نوسینگەی راگەیاندنی د.بەشیر حەداد: هیچ داواکارییەک بۆ کۆبوونەوەی نائاسایی پەرلەمانی عێراق پێشکەش نەکراوە
2020-06-20 [12:49 PM]

ZNA_ هەولێر


 

لەگەڵ بەردەوامی هێرشەکانی سوپای تورکیا لە چەند رۆژی رابردوودا بۆسەر خاکی هەرێمی کوردستان، ئەندامێکی ئەنجومەنی نوێنەرانی عێراق وەکو پیشەی هەمیشەیی خۆی درۆیەکی شاخداری هەڵبەستووە و ئاماژەی بەوە کردووە کە گوایە ئەوان وەکو ژمارەیەک پەرلەمانتاری کورد لە ئەنجومەنی نوێنەرانی عێراق نوسراوێکیان ئاراستەی سەرۆکایەتی ئەنجومەنی نوێنەران کردووە بۆ ئەوەی کۆبوونەوەیەکی نا ئاسایی بۆ ئەو بابەتە بکات، بەڵام  بە قسەی ئەو، دکتۆر بەشیر حەداد جێگری سەرۆکی ئەنجومەنی نوێنەران عێراق رێگری لە ئەنجامدانی ئەو کۆبوونەوەیە کردووە، لێرەوە چەند راستیەک بۆ خەڵکی كوردستان ئاشکرا دەکەین:

یەکەم: قسەکانی ئەو پەرلەمانتارە سەرلەبەری دووە لە راستی و بەهیچ شێویەک و لەلایەن هیچ پەرلەمانتارێکەوە داواکاری بۆ کۆبوونەوەی نائاسایی لەسەر ئەو بابەتە پێشکەشی دەستەی سەرۆکایەتی ئەنجومەنی نوێنەران نەکراوە.

دووەم: جێگری سەرۆکی ئەنجومەنی نوێنەرانی عێراق لە بەیاننامەیەکدا ئەو پەلامارو هێرشانەی سوپای تورکیای بۆ سەر خاکی هەرێمی کوردستان ئیدانە کردووە و بە پێشێل کردنی سەروەری خاکی عێراقی داناوە و داواشی کردووە بە زوترین کات حکومەتی فیدراڵ داوا لە تورکیا بکات ئەو هێرشانە را بگرێت.
 
سێیەم: لە ئێستادا ئەنجومەنی نوێنەرانی عێراق بەهۆی تووشبوونی چەند پەرلەمانتارێکەوە بە ڤایرۆسی کۆرۆنا کۆبوونەوەکانی خۆی راگرتووە و کۆبوونەوە ئەنجام نادات.

چوارەم: تاوەکو ئێستا ئەم بەڕێزەمان نەبینیوە لەناو ھۆڵی پەرلەمان یان میدیایەکی عەرەبی و عێراقی داکۆکی لە مافی خەڵکی کوردستان بکات و تەنیا پاڵەوانی نێو تۆڕەکۆمەڵایەتیەکان و چەند کەناڵێکی لۆکاڵییە.

پێنجەم: وەزارەتی دەرەوەی عێراق کە وەزیرەکەی کوردە و لە پشکی پارتی دیموکراتی کوردستانە، دووجار بانگهێشتى باڵیۆزی تورکیای لە بەغدا کردووە و نامەی ناڕەزایی پێداوە و بۆ ھەمان مەبەست بانگھێشتی باڵیۆزی ئێرانیشی کردووە.

شەشەم: ئێمە بە مافی خۆمان دەزانین کە رێکاری یاسایی بەرامبەر ئەو پەرلەمانتارە بگرینەبەر و داوای ئاسایی لەسەر تۆمار بکەین، چونکە ئەوە چەندەمین جارە درۆ و قسەی ناراست بە دەمی جێگری سەرۆکی ئەنجومەنی نوێنەرانی عێراقەوە هەڵدەبەستێت .

نوسینگەی راگەیاندنی جێگری سەرۆکی ئەنجومەنی نوێنەرانی عێراق
٢٠٢٠/٦/٢٠





ئەم هەواڵە 325جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad