English | عربی | Kurdî دواهەواڵ
ڕاستەوخۆ  
 
ئەنجومەنی ئاسایش لەبارەی گەماڕۆكانی سەر ئێران كۆدەبێتەوە
2020-06-24 [07:55 AM]

ZNA – هەولێر


بۆ تاتوێکردنی درێژکردنەوەی ماوەی گەمارۆکانی چەک لەسەر ئێران، ئەنجوومەنی ئاسایش کۆدەبێتەوە و بڕیارە باڵیۆزی ئەمریکا لە کۆبوونەوەکەدا رەشنووسی پرۆژە بڕیارێک بۆ درێژکردنەوەی گەمارۆکە پێشکەش بە ئەنجوومەنەکە بکات.

ئەنجوومەنی ئاسایشی سەر بە نەتەوە یەکگرتووەکان رۆژی چوارشەممە 2020/06/24 لەسەر پرسی درێژکردنی ماوەی گەمارۆکانی چەک لەسەر ئێران کۆدەبێتەوە کە بەپێی بڕیارەکەی ئەنجوومەن لە مانگی ئۆکتۆبەری ئەمساڵ ماوەی گەمارۆی چەک لەسەر ئێران لەلایەن نەتەوە یەکگرتووەکانەوە کۆتایی دێت.

ئەمریکا لە دژی هەڵگرتنی گەمارۆی چەکە لەسەر ئێران. بڕیاریشە لە کۆبوونەوەکەدا پرۆژە بڕیارێک بۆ درێژکردنەوەی ماوەی گەمارۆکە پێشکەش بە ئەنجوومەنەکە بکات و داوایشی لە وڵاتان کردووە لە پەسندکردنی ئەو پرۆژەیە پشتیوانیی بکەن.

ئەگەر ئەو پرۆژەیەی ئەمریکا پەسند نەکرێت، لەدوای مانگی ئۆکتۆبەری ئەمساڵەوە ئێران دەتوانێت مامەڵەی چەک لەگەڵ وڵاتانی جیهاندا بکات، هەم چەک هاوردە بکات و هەم هەناردەشی بکات. هاوکات دەستی چین و رووسیاش واڵا دەبێت لەوەی چەک بە تاران بفرۆشن.

بەرپرسانی ئەمریکا هەڕەشەی ئەوە دەکەن ئەگەر گەمارۆی چەک لەسەر ئێران درێژنەکرێتەوە، ئەو کاتە کۆی سزاکانی نەتەوە یەکگرتووەکان لەسەر ئێران کە لەپێش رێککەوتنی ئەتۆمی بەسەریدا سەپێندرابوون دەگەڕێنێتەوە سەر مێزی ئەنجوومەنی ئاسایش و گوشارەکانی بۆ ئێران زیاتر دەکات.

ئەمریکا لە ساڵی 2018دا لە رێککەوتنی ئەتۆمیی ئێران کشایەوە و دۆناڵد ترەمپ، سەرۆکی ئەمریکا رێککەوتنەکەی بە "خراپترین" رێککەوتن لە مێژووی ئەمریکا وەسفکرد.

 





ئەم هەواڵە 6865جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad