English | عربی | Kurdî دواهەواڵ
ڕاستەوخۆ  
 
پێشمەرگەیەك بەهۆی قەرزداریەوە خۆی كوشت
2020-06-30 [09:15 AM]

ZNA – هەولێر


گوتەبێژی یەکەی 70ی هێزەکانی پێشمەرگە ئاشكرای دەكات، لە كاتژمێر 4 ی بەرەبەبەیانی ئەمڕۆ سێشەممە پێشمەرگەیەکیان لەکاتی ئەرکدا و خۆی کوشتووە. 

عەمید ئەحمەد لەتیف، گوتەبێژی یەکەی 70 ی هێزەکانی پێشمەرگە گوتی: "پێشمەرگەکە ناوی (ج.ع.ح) و سەر بە لیوای 3 ی تایبەتە و تەمەنی 36 ساڵە، ماوەی شەش ساڵە پێشمەرگەیە و  پلەکەی جێگری ئەفسەر بووە.

گوتەبێژی یەکەی 70ی هێزەکانی پێشمەرگە روونیشی كردەوە، ئەم پێشمەرگە پێشتر چەند ساڵێک لە ئەوروپا ژیاوە، "ئەم بەیانییە لەکاتێکدا لە یەکێک لە بنکەکانی پاسەوانی لەناو فەرماندەیی یەکەی 70ی هێزی پێشمەرگە لە ئەرکدا بووە، خۆی کوشتووە و هیچ کێشەیەکی لەگەڵ کەسیش نەبووە".

ئەو کەسەی خۆی کوشتووە خەڵکی گوندی مێرگەسەرە لە بالیسان و تەرمەکەی رەوانەی مێرگەسەر کراوەتەوە، کەسێکی نزیک لە (ج.ع.ح) ئاشكرای كرد "کێشەی ئەو پێشمەرگەیە قەرزداریی بووە، نەیتوانیوە قەرزەکەی بداتەوە و گوشارێکی دەروونی زۆری لەسەر بووە".

 

 

رووداو





ئەم هەواڵە 2326جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad