English | عربی | Kurdî دواهەواڵ
ڕاستەوخۆ  
 
هۆڵەندا رەتیدەكاتەوە ژنە داعشەكانی خۆی بگەڕێنێتەوە
2020-06-30 [09:37 AM]

​ZNA – هەولێر


دادگای باڵای هۆڵەندا رەتیکردەوە ئەو ژنە داعشانەی کەمپی هۆل و منداڵەکانیان بگەڕێنێتەوە و رایگەیاند ئەوە ئەرکی حکومەت نییە لە سووریا بیانگەڕێنێتەوە، چونکە ئەوە کارێکی سیاسییە و پەیوەندی بە مافی مرۆڤەوە نییە.

فەرمانی دادگەکە نیگەرانی پارێزەرانی 23 ژنە داعشی لێکەوتەوە کە لە کۆتایی ساڵی رابردووەوە هەوڵیانداوە کەیسەکانیان بگەیێننە دادگەکانی هۆڵەندا، پارێزەرەکانیان دەڵێن نەگەڕانەوەی ئەو ژنە داعشانە کاریگەر خراپی دەبێت لەسەر 56 منداڵەکانیان کە زۆربەیان تەمەنیان لە شەش ساڵ کەمترە.

هاوکات پارتەکانی نێو حکومەتی هۆڵەندا ناکۆکییان هەیە لەسەر گەڕاندنەوەی خێزانەکانی چەکدارەکانی داعش و منداڵەکانیان.

پارتی لیبڕالی هۆڵەندا کە مارک رووتە، سەرۆک وەزیرانی ئەو وڵاتە سەرکردایەتی دەکات، لەگەڵ پارتی دیموکراتە کرستیانەکانی هاوپەیمانیان، لە دژی گەڕاندنەوەی ئەو ژنە داعشانەن لەبەر بابەتی پەیوەست بە ئاساییشی نیشتمانی هۆڵەندا، لە کاتێکدا کە هەردوو پارتی D66 و یەکێتی کریستیانەکان لەسەر بنەمای مرۆیی داکۆکی لە گەڕاندنەوەیان دەکەن.

کەمپی هۆل دەکەوێتە دامێنی شارۆچکەی هۆل لە رۆژهەڵاتی حەسەکە و لە لایەن هەسەدەوە بەڕێوەدەبرێت کە چەندین ئەندامی بیانی رێکخراوی داعشی تێدا لەژێر چاودێری هێڵدراونەتەوە.

زیاتر لە 60 هەزار کەس لە کەمپی هۆل لە پارێزگای حەسەکەن، کە زۆربەیان منداڵ و ئافرەتن. گروپەکانی پشتگیری لە مافەکانی مرۆڤ هۆشداری دەدەن کە دۆخی سەختی ئەو کەمپانە خەڵک لە جاران زیاتر بەرەو بیری توندئاژۆیی ببات. گوشاری زۆری سەر کەمپەکە هەسەدەی ناچار کردووە بەشێک لەو خێزانانە رەوانەی خێزان و هۆزەکانی خۆیان بکرێن.

 





ئەم هەواڵە 1312جار خوێندراوەتەوە
 
 
ڤیدیۆ گەلەری
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad