English | عربی | Kurdî دواهەواڵ
ڕاستەوخۆ  
 
به‌غدا .. لیژنه‌ی هاوبه‌شی پێشمه‌رگه‌و به‌رگری عێراق كۆبوونه‌وه‌
2020-07-02 [02:30 AM]

ZNA_ هەولێر



سه‌رله‌به‌یانی ئه‌مڕۆ 2/7/2020 شاندێكی باڵای وەزارەتی پێشمەرگە لەسەر داوای لایەنی عێراقی سەردانی بەغدایان کرد، شانده‌كه‌ پێکهاتبوون له‌ هه‌ریه‌ك له‌ به‌ڕێزان فەریق جەمال محه‌مه‌د ئێمنکی، سه‌رۆكی ئه‌ركان و، فەریق جەبار یاوەر ئەمینداری گشتی وەزارەتی پێشمەرگە و ژمارەیەک له‌ ئەفسەرانی باڵای وه‌زاره‌ت.
دوای گه‌یشتنیان بۆ‌ به‌غدا، شاندی وه‌زاره‌تی پێشمه‌رگه‌ له‌گه‌ڵ شاندی وه‌زاره‌تی به‌رگری عێراق بە سەرۆکایەتی عەبدولئەمیر شەممەری، جێگری فەرماندەی ئۆپەراسیۆنە هاوبەشەکان کۆبوونەوە.
له‌ كۆبوونه‌وه‌كه‌دا، گفتوگۆ کرا لەبارەی کاراکردنه‌وه‌ی لیژنه‌ی‌ كاری هاوبەش و ناوه‌نده‌كانی هه‌ماهەنگی هاوبه‌ش كه‌ پێشتر له‌ نێوان هەردوولادا هه‌بوون. هەروەها باس له‌ چۆنیەتی ئەنجامدانی ئۆپەراسیۆنی هاوبەش له‌ ناوچه‌ جێناكۆكه‌كان كرا به‌تایبه‌ت كه‌ ئێستا مه‌ترسیه‌كانی تیرۆریستانی داعش زیایكردووه‌و هه‌ڕه‌شه‌ی به‌رده‌وامن له‌سه‌ر ئاسایشی ناوچەكانی مادده‌ی 140.
هه‌رله‌و كۆبوونه‌وه‌یه‌دا، هه‌ردوولا هاوڕابوون له‌سه‌ر به‌رده‌وامبوونی دیدارو کۆبوونەوەکان و وا بڕیاریشه‌ له‌ کۆتایی ئەم مانگە شاندێکی وەزارەتی بەرگریی عێراق سەردانی وه‌زاره‌تی پێشمه‌رگه‌ بکات.
                                               راگه‌یاندنی وه‌زاره‌تی پێشمه‌رگه‌
                                            2ی ته‌مموزی 2020





ئەم هەواڵە 2500جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad