English | عربی | Kurdî دواهەواڵ
ڕاستەوخۆ  
 
زیاتر لە 30 كەس لەزیندانیانی چاكسازی كەرخ تووشی كۆرۆنا بوون
2020-07-05 [11:16 AM]

ZNA هەولێر


وەزارەتی دادی عێراق تووشبوونی 31 زیندانی لە چاکسازییەکی بەغدا بە کۆرۆنا راگەیاند و داواش دەکات ژمارەی پشکنینەکان زیاد بکرێت.

 

کامیل ئەمین، بەڕێوەبەری فەرمانگەی چاکسازیی سەر بە وەزارەتی دادی عێراق بە رۆژنامەی سەباح-ی عێراقی راگەیاند: " 31 زیندانی لە کۆی 600 زیندانی چاکسازیی کەرخ تووشی ڤایرۆسی کۆرۆنا بوون، کە تەمەنیان لەنێوان 18 بۆ 22 ساڵە.

کامیل ئەمین دەڵێ "تووشبووەکانی کۆرۆنا لە چاکسازییەکە، سەرجەمیان رەوشی تەندروستییان جێگیرە و تاوەکو ئێستاش زیاتر لە 225 زیندانی پشکنینی کۆرۆنایان بۆ کراوە"، داواش دەکات ژمارەی پشکنینەکان زیاد بکرێت.

چاکسازییەکە خۆی شوێنی 250 کەسە، بەڵام 600 کەس تێیدا جێگەیان کراوەتەوە، لەدوای بڵاوبوونەوەی پەتاکەش لەنێو زیندانییەکان، بەگوتەی کامیل ئەمین "بەشێکی زیندانییەکان گوازراونەتەوە زیندانی رەشاد تاوەکو شوێنی تووشبووان لە ساغەکان جیادەکرێتەوە".

پێنجشەممەی رابردوو، عەلی بەییاتی، ئەندامی کۆمیسیۆنی مافەکانی مرۆڤ (کە سەر بە پەرلەمانی عێراقە)، هۆشداری دابوو لە داڕمانی رەوشی تەندروستی لە گرتووخانەکان و گوتبووی ژمارەیەکی زۆر کارمەندی گرتووکانەکان، هەروەها زیندانییەکان تووشی کۆرۆنا بوون.

بەگشتی تائێستا زیاتر لە 58 هەزار کەس لە عێراق تووشی ڤایرۆسی کۆرۆنا بوون، لەو ژمارەیەش 31 هەزار و 77 کەسیان چاکبوونەتەوە، لەبەرامبەریشدا زیاتر لە دوو هەزار و 368 کەسیش بەهۆی ئەو پەتا جیهانییەوە گیانیان لەدەستداوە.

 





ئەم هەواڵە 6631جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad