English | عربی | Kurdî دواهەواڵ
ڕاستەوخۆ  
 
ژمێژەیە خەلک چاڤەرێ مزگینیەکا خۆش
2020-07-06 [04:33 AM]

نڤیسینا : غیاس خالد زێباری


دیارە قەدەرا مللەتێ کورد هۆسایە ، پشتی هەر مزگینیەکا خۆش ، پێشوازیێ ل چەندین پەیام و روودان و کارەساتێن بێ ئۆمێدیێ و خویناوی دکەت . 
سەرکەفتنێن شۆرەشا مەزنا ئیلوونێ و بدەستڤەئینانا ئۆتۆنۆمیێ ڕاستەقینە و فەرمی ل یازدێ ئادارا سالا ١٩٧٠ ، خۆشترین مزگینیا خەلکێ کوردستانێ یێ نشتیمان پەروەر و وەڵاتپارێز بوو ، 
بەرهەمێن وان هیڤیا بەری بگەهن ، کارەساتا خیانەتکاریا ئەلجەزائیرا یا ئادارا ساڵا ١٩٧٥  بسەردا هات و برینێن کۆر و مەزن ئێخستنە دناڤ دل و دەروونێ خەلکێ . 
شۆرەشا گوڵانا پێشکەفتنخواز بسەرۆکاتیا پارتی و سەرپەرشیا سەرۆک مەسعوود بارزانی ، ب تۆمارکرنا چەندین داستانا و بدەست ڤەئینانا چەندین سەرکەفتنا دەست ب سارێژکرنا وان برینا کر و ئۆمێد بۆ خەلکی زڤڕاند ، کارەساتێن ئەنفال و کیمیا باران و وێرانکرنێ و تەعریبێ و ئەشکەنجەدانێ دەستپێکر ، برینێن نەسارێژکری کۆرتر و ڤاڵاتر کرن . 
مزگینیا سەرکەفتنا سەرهەلدانا پیرۆزا بوهارا ساڵا ١٩٩١ و ئازادیا پڕانیا ئاخا پیرۆزا باشوورێ کوردستانێ و ئاڤاکرنا پەرلەمان و حکومەتێ و سازیێن ڕێڤەبرنێ ، نەگەهشتن برینێن ئەنفال و کیمیا بارانێ و ...هتد سارێژ بکەن ، پەیاما دلتەنگا شەرێ نافخۆیی ، برین دووبارە کرنەڤە . 
ئاشتەوایا سیاسی ، چریسکێن ڤەژاندنێ و بەختەوەریێ و ئاڤەدانیێ و تەناهیێ هەلکرن ، لێ نەگەهشتن دل و دەروونێ خەلکی شاد بکەن و ببیتە مزگینیا هەتا هەتایی ، هێزێن پەکەکێ تام و خۆشیا وێ مزگینیێ تال و تفت کرن و هەتا نهۆ یا دکەلیت .
بڤی ئاوایی هەتا دگەهیتە ئازادیا عیراقێ و هاتنا تیرۆرستێن داعش ، راپرسیا سەرخۆبوونا کوردستانێ و لەشکرکێشیا عیراقێ و ئیرانێ ب دەسپێشخەریا گرۆپێ خیانەتکاریا شازدێ ئکتۆبەرێ ، سەرکەفتنێن پێشمەرگەهی و شکاندنا گەماروویێن ئابووری و سیاسی و بلندبوونا دەنگێن ژناڤبرنا قەوارێ هەرێما کوردستاێ ژلایێ خەلکەکێ خۆ ب سیاسی و کوردستانی هژمار دکەن ..! . 
ئەوا من دڤێت تەکەزیێ لسەر بکەم ، گەندەڵیا دارایی و ئابووری و کارگێری یە ، ل هەرێما کوردستانێ ، ئەو گەندەڵیا چەندین ساڵە دل و ناخێن خەلکێ کوردستانێ دهەژینیت و رۆژ بۆ رۆژێ خەلکێ دلتەنگ و بێ ئۆمێد دکەت ، گەهشتیە وی ئاستی ژبەر نەبوونا دادوەریێ ، خەلکەکێ شۆرەشگێر و خەباتکار پەشێمانیێ ل خەبات و شۆرەشکێریا خۆ دخازیت ..! 
ئەڤرۆ حکومەتا هەرێما کوردستانێ بسەرۆکاتیا مەسروور بارزانی ، ب دلسۆزی و وێرەکانە بریارا ئەنجامدانا چاکسازیا و سەروەریکرنا یاسایێ دایە و بەرەڤ چاکسازیێن بەرفرەهتر دچیت ، ئۆمێد بۆ خەلکی زڤرانی یە و ئەڤ خەلکە ژمێژەیە چاڤەرێ ڤێ مزگینیا مەزن ، کۆ دێ بیتە مەزنترین و بەرفرهترین پرا باوەریێ دناڤبەرا ، خەلکی و دەسهەڵاتا هەرێمێ دا . 
خەلکەکێ بەرژەوەند خاز و سۆدمەند ل وێ ڕەوشا بەرێ ، هەولێن دروستکرنا ئاستەنگا بۆ حکومەتا هەرێمێ و بجهــ ئینانا پرۆژێ چاکسازیێ ددەن ، چونکێ دێ بیتە ڕێگر بۆ دەسکەفتێن ماددی یێن نەیاسایی ، چ درێکا مۆچەیان بیت ، یان داهاتێن دیتر ، ڤان هەوڵا دوودلی بۆ خەلکی دروست کریە کۆ حکومەت بشێت چاکسازیا بکەت .
لێ پێتڤی حکومەتا هەرێمێ و سازیێن هەرێمێ ب گشتی ب هەموو حزب ڤە ژبەر بەرژەوەندا گشتی یا وەڵاتی و وەڵاتیان هەڤگرتن و هەماهەنگیێ بکەن ، بۆ سەرگرتن و بجهــ ئینانا پرۆژێ چاکسازیێ ، ئەگەر ئەو هەماهەنگی ژی نەبیت ، پێتڤی یە حکومەت و سەرۆکێ حکومەتێ ، لسەر چاکسازیا سست نەبن و ب گەرم و تێنەکا مۆکوم ، داکۆکیێ لسەر بکەن ، ئەز باوەرم و یێ گەشبینم کۆ سەرۆکێ حکومەتێ لسەر چاکسازیا یێ رژدە و کەفتیە بەرەیێ خەلکی ، بۆ دژایەتیا گەندەلکارا . رێکا راست و دروست و ڕەوا ئەڤە ، چونکی پڕانیا خەلکێ کوردستانێ لپشتە و پرۆسەکا یاسایی یە ، لەوما سەرکەفتنا وێ دێ یا مسۆگەر بیت . 
 ب دلەکێ شاد خەلک دێ هەمبێزا ڤێ مزگینیا خۆش کەت ، ئەوا چەندین ساڵا چاڤەرێ و چەندین برینین بەرێ دێ هێنە سارێژکرن .





ئەم هەواڵە 6334جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad