English | عربی | Kurdî دواهەواڵ
ڕاستەوخۆ  
 
لێژنەی تەندروستی: كەسانی دەستڕۆیشتووی وەزارەتی تەندروستی بڕیاری هەڵە دەدەن
2020-07-12 [10:31 AM]

ZNA - هەولێر


لیژنەی تەندروستی و ژینگە لە ئەنجوومەنی نوێنەرانی عێراق، بەتوندی رەخنەی لە "شکستهێنان"ی وەزارەتی تەندروستی، لەگەڵ دۆسیەی پەتای کۆرۆنادا گرت و گوتی بڕیارەکانی ئەو وەزارەتە کاریگەرییان نییە، چونكە کەسانی دەستڕۆیشتووی ناو وەزارەتی تەندروستی،  بڕیاری هەڵە دەردەن.

رۆژی شەممە لێژنەی تەندروستی لەپەرلەمانی عێراق، لەڕاگەیێندراوێكدا رایانگەیاند: "یەکێک لە دیارترین هۆکارەکانی شکستی حکومەتی مستەفا کازمی، لە رووبەڕوبوونەوەی کۆرۆنادا، بوونی کەسانی دەستڕۆیشتووی ناو وەزارەتی تەندروستییە، کە بڕیاری هەڵە دەردەکەن و دواتر چاکی دەکەنەوە و پاشان لێی پەشیمان دەبنەوە، بەشێوەیەک کە یاریکردنە بە چارەنووسی خەڵکی عێراق، وەک ئەو بڕیارەی تایبەت بە رێگەدان بە گەشتی دانیشتووانی عێراق دەرچوو و پاش كاتژمێرێك لە دەرچوونی، بڕیارەکە رەتکرایەوە".

لە رایاگەیێندراوەكەدا ئاماژە بەوەش كراوە "پێشتر لە رێگەی چاوپێکەوتنمان لەگەڵ سەرۆک وەزیراندا، داوامانکرد ئەو کەسە دەستڕۆیشتووانەی ناو وەزارەت لە کارەکانیان دووربخرێنەوە، چونکە لیژنەکەمان تێبینی لەسەر کارەکانیان هەیە و هۆکار بوون لە رێگریکردن لە کارەکانی وەزیرانی پێشووی وەزارەتی تەندروستی وەک عەلا عەلوان، جەعفەر عەلاوی و حوسێن تەمیمی".

لێژنەکە روونیدەکاتەوە "ئەو کەسە دەستڕۆیشتووانە لە جومگە گرنگەکانی وەزارەتدا کاردەکەن، بۆ لاوازکردنی رۆڵی وەزیرەکان و لێسەندنەوەی دەسەڵاتەکانیان، بەشێوەیەک کە لەبەردەم رای گشتیدا وەک کەسانی بێتوانا لە مامەڵەکردن لەگەڵ قەیرانەکاندا دەربکەون. لە کاتێکدا هەر خۆیان کۆنترۆڵی گرێبەستەکانی وەزارەتیان کردووە و گیرفانیان پڕی پارەی حەرام دەکەن و بازرگانی بەو پارانەوە دەکەن کە بۆ رزگارکردنی گیانی عێراقییەکان تەرخانکراوە".

لێژنە پەرلەمانییەکە باس لە هەنگاوەکانی داهاتووی خۆی دەکات، لە رووبەڕووبوونەوەی ئەو کەسانەی ئاماژەی پێداون: "ئێمە زۆر راستیی لەبەردەم دادگای عێراقیدا ئاشکرادەکەین، تا قسەکانمان بنبڕکەربن لەو بابەتەدا و پێویستە سەرۆکوەزیرانیش، ئەو کەسانە لە کارەکانیان دووربخاتەوە و وەزارەتەکە لەو کەسانە خاوێن بکاتەوە و ئازادیی کارکردن بۆ وەزیر بگەڕێنێتەوە".

 





ئەم هەواڵە 574جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad