English | عربی | Kurdî دواهەواڵ
ڕاستەوخۆ  
 
سەعید هەرکی: راپۆرتێکمان بۆ چاکسازی لەسەر خاڵەسنوورییەکان پێشکەشی حکومەت کرد
2020-07-12 [05:31 AM]

ZNA- هەولێر



پەرلەمانتارێک رایدەگەیەنێت، خاڵە سنوورییەكان پێویستیان بە چاكسازی ھەیە، چونكە كەرتی تایبەت دەستی بەسەردا گرتوون و دەبێ حكوومەت لێیان وەرگرێتەوە و خۆی سەرپەرشتییان بكات، ئەوكات ھەموو داھاتەكە دەگەڕێتەوە بۆ خەزێنەی حكوومەت، بۆ چاكسازییش لە خاڵە سنوورییەكان، حكوومەت لیژنەیەكی پێك ھێناوە.


سەعید ھەركی، جێگری سەرۆكی لیژنەی دەستپاكی لە پەرلەمانی كوردستان بە ئاژانسی هەواڵی زاگرۆسی راگەیاند: چاكسازی گرنگە لە ھەموو سێكتەرەكاندا بكرێت، بە تایبەت لە خاڵە سنوورییەكان، چونكە گەندەڵی دەكرێت و پارە لە خاڵە سنوورییەكان بەھەدەر دەچێت، ئێمەش سەردانی ھەموو دەروازەكانمان كردووە و راپۆرتی خۆمان داوەتە حكوومەت، كە پێویستی بە چاكسازی ھەیە، بۆیە گەر چاكسازی بكرێت، داھات زۆر زیاد دەكات".

 

سەعید ھەركی گووتی: کێشەی خاڵە سنوورییەكان ئەوەیە، كە گرێبەستیان لەگەڵ كۆمپانیاكان كردووە و كۆمەڵێك كۆمپانیا دەستیان بەسەر خاڵە سنوورییەكاندا گرتووە وەكو قەبان و سۆنەر و ئەوانەی دیكەش، بۆیە داھاتێكی زۆر بۆ ئەوان دەچێت و ئەگەر حكوومەت خۆی راستەوخۆ سەرپەرشتییان بكات، ئەوكات ھەموو داھاتەكە بۆ حكوومەت دەگەڕێتەوە.


هەروەها سەعید هەرکی جێگری سەرۆكی لیژنەی دەستپاكی لە پەرلەمانی كوردستان ئەوەشی بۆ ئاژانسی هەواڵی زاگرۆس خستەروو گووتی : دوای ڕاپۆرتی ئێمە، حكوومەت لیژنەیەكی پێك ھێناوە و بڕیاری داوە كە چاكسازی لەخاڵە سنوورییەكاندا بكات و داھاتەكە ھەمووی بۆ خەزینەی حكوومەت بگەڕێتەوە.

 

 

دڵشاد یونس هەرکی





ئەم هەواڵە 1984جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad