English | عربی | Kurdî دواهەواڵ
ڕاستەوخۆ  
 
ئیمارات بۆ یەكەم جار كەشتیەكی ئاسمانی رەوانەی هەسارەی مەریخ دەكات
2020-07-14 [09:44 AM]

​ZNA – هەولێر


بڕیارە سبەی چوارشەممە، 15-7-2020، بۆ یەكەم جار لەناو هەموو ووڵاتانی عەرەبی ئیمارات کەشتییەکی ئاسمانی رەوانەی هەسارەی مەریخ دەكات لێکۆڵینەوە لەوهەسارەیە دەکات.

بڕیارە کەشتیی ئاسمانی هیوا-ی ئیماراتی، لە سەنتەری تانیگاشیمای بۆشایی ئاسمان لە ژاپۆنەوە رەوانەی بۆشایی ئاسمان بکرێت.

 کەشتییە ئاسمانییە ئیماراتییەکە بەپێی مەزەندەکان حەوت مانگی پێدەچێت بۆ بڕینی 493 ملیۆن کیلۆمەتر و گەیشتن بە مەریخ، بەمەش لەگەڵ ئاهەنگگێڕان بەبۆنەی 50ـیەمین ساڵیادی دامەزراندنی وڵاتی ئیمارات، ئامانجەکەی دەپێکێت.

لەماوەی ساڵێکی مەریخ کە دەکاتە 687 رۆژی زەوی، کەشتیی ئاسمانیی هیوا بەدەوری هەسارەی مەریخدا دەسووڕێتەوە.

سارە ئەمیری، جێگری بەڕێوەبەری پرۆژەی گەشتەکە بۆ مەریخ و وەزیری دەوڵەتی ئیمارات بۆ کاروباری زانستە پێشکەوتووەکان دەڵێ "بەپەرۆشەوە چاوەڕوانی 24 کاتژمێری سەرەتام لەدوای جیابوونەوەی کەشتییە ئاسمانییەکە لە مووشەکەکە، چونکە لەوەوە ئەنجامی کارەکەمان دەبینین".

تاوەکو ئێستا هەریەک لە ویلایەتە یەکگرتووەکانی ئەمەریکا، هیندستان، یەکێتیی سۆڤییەتی جاران و ئاژانسی ئاسمانیی ئەوروپا سەرکەوتوو بوون لە ناردنی کەشتیی ئاسمانی بۆ هەسارەی مەریخ و چینیش خەریکی ئامادەکارییە بۆ ئەوەی لەماوەی ئەم مانگەدا، یەکەم کەشتیی ئاسمانی بنێرێتە هەسارە سوورەکە.

هەرچەندە ئامانجی کەشتییە ئاسمانییەکە نیشاندانی وێنەیەکی تەواوی کەشوهەوای هەسارەی مەریخە، بەڵام بەشێکیشە لە ئامانجێکی گەورەتری ئیمارات کە بنیادنانی شوێنی نیشتەجێبوونی مرۆڤە لەسەر ئەو هەسارەیە لەماوەی 100 ساڵی داهاتوودا.             

 





ئەم هەواڵە 4600جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad