English | عربی | Kurdî دواهەواڵ
ڕاستەوخۆ  
 
ئه‌ردۆغان: وڵاتەکەی ده‌ستبه‌رداری لیبیا نابێت
2020-07-18 [10:43 AM]

ZNA - هه‌ولێر


 

سەرۆکی تورکیا ڕەخنەی توندی لە میسڕ و ئیمارات گرت و دەڵێت وڵاتەکەی لە پشتیوانیکردنی حکومەتی ویفاقی نزیک لە ئەنکەرە بەردەوام دەبێت.

ڕەجەب تەیب ئەردۆغان دوێنێ لە ئه‌ستەنبوڵ بە پەیامنێرانی گوت " ئەو هەنگاوانەی میسڕ دەینێت بۆ پشتیوانیکردنی حەفتەر نایاسایـین، و ئەبو زەبیش کاری چەتەگەری دەکات کە پارە و چەک بۆ حەفتەر ڕەوانەدەکات، ئەمەش جێگه‌ی قبوڵ نیـیە."

گوتیشی"پەیوەندیـیەکانمان لەگەڵ لیبیا بۆ زیاتر لە 500 ساڵ لەمەوبەر دەگەڕێتەوە، بۆیە برا لیبیـیەکانمان بە تەنیا جێناهێڵین و بەردەوام دەبین لەو بەرپـرسیارێتیـیەی لە ئەستۆی خۆمان گرتووە لە لیبیا وەک چۆن هەتا ئەمڕۆ کردوومانە."

ئەم لێدوانەی سەرۆکی تورکیا ڕۆژێک پاش لێدوانەکەی سەرۆکی میسڕ دێت کە بەڵێنی بە شێخ و کەسایەتیـیەکانی لیبیا دا لەشکری میسڕ ڕاستەوخۆ بچێتە ناو شەڕەکەوە ئەگەربێت و هێرش بکرێتە سەر سرت و جوفرە.

عەبدولفەتاح ئەلسیسی گوتی لەشکری میسڕ لەسەر داوای خەڵک و پەرلەمانی لیبیا دەچێتە ناو لیبیاوە، ئاڵای لیبیا لە بری ئاڵای میسڕ بەرزدەکاتەوە و هەر کاتێک خەڵکی لیبیا داوای لێکردن وڵاتەکە جێبهێڵن ئەوا دەستبەجێ دەکشێنەوە.

هێزەکانی جەنەڕاڵ حەفتەر جگە لەوەی پەرلەمان و زۆربەی خێڵ و عەشرەتەکانی لیبیا پشتیوانیان دەکەن، میسڕ و ئیماراتیش کۆمەکیان دەکەن.

تورکیا دەیەوێت هێزەکانی حکومەتی ویفاق هەردوو بنکەی ئاسمانی لە سرت و حوفرە کۆنترۆڵبکەن بەرلەوەی بە ئاگربەستێک لەگەڵ جەنەڕاڵ حەفتەر ڕازی بن.

 میسڕیش دەڵێت سرت و جوفرە بۆ ئەو هێڵی سوورە و ڕێگە نادات بکەوێتە ژێر دەستی ملیشیاکانی تەرابلوسەوە.

 

voa

 





ئەم هەواڵە 2452جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad