English | عربی | Kurdî دواهەواڵ
ڕاستەوخۆ  
 
هەڵبژاردنی په‌رله‌مانی سووریا له‌ ناوچه‌كانی رۆژئاوای كوردستان به‌ڕێوه‌ ناچێت
2020-07-18 [04:36 AM]

ZNA - هه‌ولێر


 

بەڕێوەبەرایەتیی خۆسەری کوردستانی سووریا ڕایگەیاند هەڵبژاردنی پەرلەمانی سووریا لە ناوچەکانی ژێر کۆنترۆڵی هێزە کوردییەکان لە باکوور و ڕۆژهەڵاتی سوریا بەڕێوەناچێت و بەشداری تێدا ناكەن.

لوقمان ئەحمەد، وتەبێژی بەڕێوەبەرایەتیی خۆسەر لە کۆنفرانسێکی ڕۆژنامەنووسیدا ڕایگەیاند: "هەڵبژاردنی پەرلەمانی سووریا لە ناوچەکانی ژێر کۆنترۆڵی هێزە کوردییەکان لە باکوور و ڕۆژهەلاتی سووریا بەڕێوەناچێت و بەشداری تێدا ناكەن، دەشڵێت، "هەڵبژاردنەکانی پەرلەمان کە بڕیارە ١٩ی ئەم مانگە بەڕێوەبچێت، دوور و نزیک پەیوەندی بە خۆبەڕێوبەرییەوە نییە و لە ناوچەکانی ژێر کۆنترۆڵی خۆبەڕێوبەری هیچ سندوقێکی دەنگدان دانانرێت".

ئاماژەی بەوەش كردووە، "گەلانی سووریا ١٠ ساڵە بۆ ڕێگەچارەیێکی ئاشتیانە هەوڵ دەدەن، ڕژێمی سوریا بەردەوامە لە سیاسەتەکانی خۆی وەک ئەوەی لە ساڵی ٢٠١١ەوە تا ئێستا هیچ شتێک لە سووریا ڕووینەدابێت".

وتەبێژی بەڕێوەبەرایەتیی خۆسەر باسی له‌وه‌ كرد، چاوەڕوانی ئەوەمان دەکرد کە حكوومەت بانگهێشتی هەموو هێزەکانی سووریا و ئۆپزیسیۆن بکات تا لەسەر چارەسەری قەیرانی سووریا و نووسینەوەی دەستوور گفتوگۆ بکەن دواتر هەڵبژاردنی گشتی ئەنجام بدات.

ئەوەش لە كاتێكدایە، وابڕیارە سبەینێ یەكشەممە، ١٩ی تەمموزی ٢٠٢٠ هەڵبژاردنی پەرلەمانی سووریا بەڕێوەبچێت.

 

کوردپرێس





ئەم هەواڵە 943جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad