English | عربی | Kurdî دواهەواڵ
ڕاستەوخۆ  
 
ئەردۆغان سەردانی مزگه‌وتی ئایا سۆفیا دەکات
2020-07-19 [04:58 AM]

ZNA - هه‌ولێر


سه‌ركۆماری توركیا، ره‌جه‌ب ته‌یب ئه‌ردۆغان مزگه‌وتی ئایاسۆفیای به‌سه‌ركرده‌وه‌ كه‌ ٢٤ ته‌مووز به‌ ئه‌نجامدانی نوێژی هه‌یینی تیایدا له‌ دوای ٨٦ ساڵ به‌ڕووی په‌رستشدا ده‌كرێته‌وه‌.

سەرۆکی تورکیا ڕەجەب تەیب ئەردۆغان ئه‌مڕۆ یەکشەممە بە شێوەیەکی چاوەڕوان نەکراو سەردانی ئایا سۆفیای کرد ئەمەش چەند ڕۆژێک بەرلەوەی یەکەم نوێژی بەکۆمەڵ لەو باڵەخانە مێژووییەی ئەستەنبوڵ بکرێت پاش ئەوەی تورکیا بڕیاری دا بیکاتەوە بە مزگەوت.

ئۆفیسی سەرۆکایەتی تورکیا ڕایگەیاند لەو سەردانە کورتەیدا ئەردۆغان چاوی بە کارەکاندا خشاند کە بۆ کردنەوەی بە مزگەوت ئەنجام دەدرێن و چەند وێنەیەکیشی باڵاو کراوەتەوە.

سه‌ركۆماری توركیا، ره‌جه‌ب ته‌یب ئه‌ردۆغان نزیكه‌ی یەک كاتژمێر له‌ مزگه‌وتی ئایاسۆفیادا مایه‌وه‌ و زانیاریی له‌ هه‌ریه‌ك له‌ وه‌زیری كولتوور و گه‌شت و گوزار، مه‌همه‌ت نوری ئه‌رسۆی و پارێزگاری ئیستانبوڵ، عه‌لی یه‌رلی كایا وه‌رگرت سه‌باره‌ت به‌ كاره‌كانی كردنه‌وه‌ی مزگه‌وته‌كه.

له‌و به‌سه‌ركردنه‌وه‌یه‌دا هه‌ر یه‌ك له‌ سه‌رۆكی فه‌رمانگه‌ی په‌یوه‌ندییه‌كان لە سه‌رۆكایه‌تی كۆماری توركیا، فه‌خره‌ددین ئاڵتوون و وه‌زیری ناوخۆ، سوله‌یمان سۆیڵو و سه‌رۆكی كارو‌باری ئایینی، عه‌لی ئه‌رباش یاوه‌ری سه‌ركۆمار ئه‌ردۆغان-یان كرد.

ئەردۆغانیش لە هەژماری تویتەریدا چەند وێنەیەکی سەردانەکەی بڵاوکردۆتەوە.

لە ساڵی 1935 وە ئەم باڵەخانە مێژوویەی سەدەی شەشەم کرا بە مۆزەخانە، بۆ هەمو گەشتیارێک کراوە بوو بێ لەبەرچاوگرتنی ئاینیان.

دەسەڵاتی ئاینی تورکیا ڕایگەیاند لە داهاتووشدا باڵەخانەکە لە پاش ئەو کاتژمێرانەی کە بۆ نوێژ تەرخان کراون کراوە دەبێت بۆ گەشتیاران.

ئایا سۆفیا یەکەم جار وەک کڵێسایەک لە سەردەمی ئیمبراتۆریەتی بیزەنتی کرستیان لە سەدەی شەشەمدا بنیاتنرا و دوای داگیرکردنی قوستەنتینیە لەلایەن عوسامنیـیەکانەوە لە ساڵی 1453 دا ئەو کڵێسایە کرایە مزگەوت.

پاشان وەکو گۆڕانکارییەکی سەرەکی پاش دەسەڵاتی عوسمانی لە سەردەمی مستەفا کەمال ئەتاتورک ئەو مزگەوتە کرا بە مۆزەخانە.

ئەردۆغان لە هەفتەی ڕابوردوو ڕایگەیاند " هەڵەیەکی زۆر گەورەبوو" ئایا سۆفیا کرا بە مۆزەخانە.

ئاژانسه‌كان





ئەم هەواڵە 5119جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad