English | عربی | Kurdî دواهەواڵ
ڕاستەوخۆ  
 
ئێران بەتۆمەتی سیخوڕی كردن فەرماندەیەكی سوپای پاسدارانی لەسێدارەدا
2020-07-20 [07:52 AM]

​ZNA – هەولێر


ئێران ئەمڕۆ بەیانی مەحمود موسەوی مەجد، ئەو كەسەی بە تۆمەتی ھاوكاری كردنی ئاژانسە ھەوڵگرییەكانی ئەمەریكا و ئیسرائیل دەستگیر كرابوو لە سێدارەی دا ، بەگوێرەی میدیاكانی ئێران.

مەحمود موسەوی مەجد، یەكێك لە فەرماندە سەربازیی و ئەمنییەكانی سوپای پاسداران بوو، ھاوكات نزیك بوو لە قاسم سولەیمانی فەرماندەی پێشووی فەیلەقی قودسی سوپای پاسداران و  وەك میدیاكانی ئێران دەڵێن "ئەو سیخوڕە شوێن و كاتی ھاتووچۆ و مانەوەی سولەیمانی بۆ ئەمەریكییەكان ئاشكرا كردووە و دەستی ھەبووە لە تیرۆری سولەیمانیدا".

هاوكات بەشێك لە میدیاكان ئاماژەیان بەوەكردووە "ئەو تۆمەتبارە 17 مانگ بەر لە كوژرانی سولەیمانی لە بەغدا لە گرتووخانە بووە و دەستی لە تیرۆری سولەیمانی دا نەبووە".

ئەمڕۆ میدیاكانی ئێران پشتراستیان كردەوە كە مەحمود موسەوی مەجد "ئەو سیخوڕەی ھاوكاری سی ئای ئەی و موسادی كردووە و دەستی لە ئاشكرا كردنی شوێنی سولەیمانی ھەبووە لە سێدارە درا".

 





ئەم هەواڵە 4789جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad