English | عربی | Kurdî دواهەواڵ
ڕاستەوخۆ  
 
جۆ بایدن: ئیسلام یەکێکە لە ئایینە گەورەکان هیواخوازم لەقوتابخانەكان لەبارەی ئیسلام بخوێنرێت
2020-07-22 [08:42 AM]

ZNA- هەولێر


جۆ بایدن، دیارترین کاندیدی دیموکراتەکان بۆ سەرۆکایەتی ئەمەریکا، باسی  فەرموودەیەکی پێغەمبەر (د.خ) بە نموونە دەهێنێتەوە لەکاتێکدا باسی موسڵمانانی وڵاتەکەی دەکات.

رۆژی دووشەممە، 20- 7، دوای ئەوەی ژمارەیەک کەسایەتی موسڵمانان لە ئەمەریکا ئاشکرایان کرد، پاڵپشتی لێ دەکەن بۆ ئەوەی ببێتە سەرۆکی ئەمەریکا، جۆ بایدنیش،كەپێشتر جێگری سەرۆكی ئەمەریكا بووە، تێبینییەکانی خۆی لەبارەی ئیسلام و مامەڵەکردن لەگەڵ موسڵمانانی وڵاتەکەی ئاشكرا كرد.

 

 
جۆ بایدن لەبارەی ئاینی ئیسلام گوتی "ئیسلام یەکێکە لە ئایینە گەورەکان"، بۆیە هیواخوازە لە قوتابخانەکان زیاتر لەبارەی ئایینی ئیسلام بخوێنرێت.

بایدن، ئەو فەرموودەیەی پێغەمبەر (د.خ.) بەنموونە هێناوەتەوە كە دەفەرموێ: "من رأى منكم مُنكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان"، واتا "هەرکەسێک لە ئێوە شتێکی خراپی بینی با بیگۆڕێت، ئەگەر نەیتوانی با بە زمانی بیگۆڕێت، ئەگەر هەر نەیتوانی با بە دڵی بیگۆڕێت، کە ئەمەش لاوازترین ئیمانە"، بایدن ئەو فەرموودەیەی وەکو نموونەیەکی جوان لەبارەی ئایینی ئیسلام هێنایەوە.

کاندیدی دیموکراتەکان سەرزەنشتی ترەمپی کرد و تۆمەتباری کرد بەوەی "ئاگری لەدژی موسڵمانانی وڵاتەکەی خۆشکردووە".

بایدنی تەمەن 77 ساڵ پەیمانی دا ئەگەر ببێتە سەرۆکی ئەمەریکا ئەو قەدەغەی هاتووچۆیە هەڵبگرێت، کە ماوەی سێ ساڵە لە ئەمەریکا لەسەر بڕیاری ترەمپ جێبەجێ دەکرێت و میدیاکان ناویان لێناوە "قەدەغەی هاتنی موسڵمانان".

ترەمپ کاتێک سەرەتا بووە سەرۆکی ئەمەریکا لە ساڵی 2017، هەرزوو بڕیاریدا هاتنی خەڵک لە وڵاتانی: ئێران، لیبیا، سۆماڵ، سووریا، یەمەن، کۆریای باکوور و ڤەنزوێلا بۆ وڵاتەکەی قەدەغە بکات، بەڵام جۆو بایدن دەڵێ، دەتوانێت لە یەک رۆژدا تانە لەو بڕیارە بدات، ئەگەر لە هەڵبژاردنی داهاتووی وڵاتەکەی سەرکەوتوو بێت.

 





ئەم هەواڵە 4441جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad