English | عربی | Kurdî دواهەواڵ
ڕاستەوخۆ  
 
ترامپ داوا لە هاوڵاتیان دەکات دەمامک به‌كار بهێنن
2020-07-22 [11:50 AM]

ZNA - هه‌ولێر


 

له‌ كۆنگره‌یه‌كی رۆژنامه‌نوسیدا سەرۆکی ئەمەریکا دۆناڵد ترامپ وتی، ئەگەر ناتوانن دوورکەونەوە لە قەرەباڵغی ئەوا دەمامک ببەستن، هۆشیاریشیدا لەوەی پەتای کۆرۆنا ره‌نگه‌ به‌ره‌و خراپتر بڕوات، پێش ئەوەی ڕەوشەکە باش ببێتەوە.

دۆناڵد ترامپ دووبارە دەستی کردەوە بە ئەنجامدانی کۆنگرە ڕۆژنامەوانییە ڕۆژانەییەکانی سەبارەت بە کۆرۆنا و داوای لە گەنجان کرد خۆیان بەدووربگرن لە باڕە قەرەباڵغەکان و جەختی لەوە کردەوە ئەم ڤایرۆسە لە قۆناغێک لە قۆناغەکاندا نامێنێت.

سەرۆک ترامپ بە ڕۆژنامەنووسانی وت،" بەداخەوە پێدەچێت ڕەوشەکە خراپتر ببێت پێش ئەوەی شتەکان باش ببنەوە، حەز ناکەم ئەوە بڵێم بەڵام ئەمە ڕەوشەکەیە."

بەهۆی پەتای کۆرۆناوە تا ئێستا زیاتر لە 142,000 کەس لە ئەمەریکا گیانیان لەدەستداوە و لەسەر ئاستی جیهان لە زۆری ژمارەی گیانلەدەستدانەکان بەهۆی ڤایرۆسەکەوە لە پلەی یەکەمدا دێت.

ترامپ باسی له‌وه‌ش كرد" داوا لە هەمووان دەکەم کاتێک ناتوانن خۆیان لە قەرەباڵغی بەدووربگرن، دەمامک ببەستن. حەزتان لە دەمامک بێت یان نا، سوودی هەیە، کاریگەری هەیە، پێویستمان بەوەیە پابەندی ئەوە بین."

وتیشی بە بەستنی دەمامک ڕاهاتووە و لە کۆبوونەوەکاندا دەیبەستێت.

وتی " زۆر بەخۆشحاڵیەوە دەیبەستم، هەرشتێک سوودی هەبێت دەیکەین."

 

 





ئەم هەواڵە 2482جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad