English | عربی | Kurdî دواهەواڵ
ڕاستەوخۆ  
 
ته‌لال محەممەد: به‌شداریكردنی كورد له‌ هه‌ڵبژاردنه‌كانی سوریا بێ مانایه‌
2020-07-25 [10:54 AM]

ZNA - هه‌ولێر


 

سەرۆکی پارتی ئاشتیی دیموکراتی کوردستانی سووریا وتی، حکوومەتی ناوەندیی سووریا هیچ بڕوایه‌کی بە مافی کورد نییە بۆیەش بەشداریکردن لە هەڵبژاردنەکاندا بێ مانایە.

بە ئەنجامی هەڵبژاردنەکانی پەرلەمانی سووریا و سەرکەوتنی سێ کوردی سەر بە حزبی بەعس لەو هەڵبژاردنانەدا و تەلال محەممەد سەرۆکی پارتی ئاشتیی دیموکراتی کوردستانی سووریا ڕایگەیاند: ئەم هەڵبژاردنە هیچ شەرعیەتێکی نییە چوونکە تەنها لە ناوچەکانی ژێر کونترۆڵی حکوومەتی ناوەندیدا بەڕێوە چوو و دەنگی هەموو خەڵکی سووریا تیایدا نەبوو.

وتیشی، هۆکاری دۆخی ئێستای سووریا حکوومەتی ناوەندییە و ڕەفتارەکانی ئەم ڕژیمە بارودۆخی ئێستای سووریای خولقاندووە.

تەلال محەمەد باسی له‌وه‌ش كرد، لە پەنجا ساڵی ڕابردوودا هیچ کات حکوومەتی ناوەندی سیاسەتێکی دیموکراتیکی لە سووریا جێگیر نەکردووە و ڕەفتار و بنەماکانی لەسەر تێڕوانینێکی شۆفینستی بونیات ناوە.

سەرۆکی پارتی ئاشتیی دیموکراتی کوردستانی سووریا لەبارەی هۆکاری بەشداری نەکردنی بەڕێوەبەرایەتیی خۆسەر و حزبە کوردییەکان لە هەڵبژاردنەکانی سووریا وتی، حکوومەتی ناوەندیی هیچ باوەڕێکی بە مافی کوردەکان نییە و ناشیبێت تەنانەت لە یاسای بنەڕەتیدا دانی پێدا نەناوە و لە سیاسەتدانەریشدا ئاوڕێک لە مافی کورد ناداتەوە، بۆیە بەشداریکردن لە وەها هەڵبژاردنێکدا بێ مانایە.

 

كوردپرێس

 





ئەم هەواڵە 607جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad