English | عربی | Kurdî دواهەواڵ
ڕاستەوخۆ  
 
وەزیری بەرگریی بەریتانیا: بەشێک لە کوردانی رۆژئاوا هاوپەیمانی ئێمەن و یارمەتییان دەدەین
2020-07-28 [12:32 PM]

ZNA - هه‌ولێر


بێن واڵاس وەزیری بەرگریی بەریتانیا لە دانیشتنی تایبەت بە خوێندنەوەی ڕاپۆرتی هاوپەیمانیی دژەداعش لە پەرلەمانی ئەو وڵاتە ڕایگەیاند کوردی سووریا رۆڵی تایبەت لە شەڕی دژبە داعش و سەقامگیریی ناوچەکە دەبینن.

بێن واڵاس ئەوەشی زیادی کرد: بەشێک لە کوردەکان هاوپەیمانی ئێمەن و یارمەتیی ئێمە دەدەن ئێمەش یارمەتیی ئەوان دەدەین.

وەزیری بەرگریی بەریتانیا ئاماژەی بە ئوپەراسیۆنە سەربازییەکانی تورکیا دژی کوردەکان کرد و گوتیشی بەشێک لە هێرشەکانی تورکیا پێوەندیی بە مەسەلەی ئەمن و ئاسایشی تورکیا و مەسەلەی پەکەکەوە هەیە. بەریتانیا پشتگیریی ئەو بەشەی ئوپەراسیۆنەکە دەکات و دەرک بە نیگەرانییە ئەمنییەکانی تورکیا دەکات بەڵام بەشێکی هێرشەکان ئوپەراسیۆنەکە هیچ پێوەندیی بە مەسەلەی شەڕی دژ بە تیرۆر نییە و ئێمە جەختمان کردۆتەوە کە لە سووریا کوردەکان بەشێکی هەرەگرنگن لە هۆکاری سەقامگیری لەو وڵاتە و ئەو سەقامگیرییە ڕێگری لە زیادبوونی ژمارەی ئاوارەکان دەکات.

بێن واڵاس ئەوەشی گوت کە بەشێک لە کوردەکان هاوپەیمانی بەریتانیان و یارمەتیی ئەو وڵاتەیان داوە هەر بۆیەش بەریتانیا لە بەرانبەردا یارمەتیی ئەوان دەدات.

وەزیری بەرگریی بەریتانیا لە کۆتاییدا ئەوەشی خستە ڕوو کە هێزە کورد و عەره‌به‌کانی سووریا لە شەڕی دژبە داعشدا فیداکاریی زۆریان کردووە و بەریتانیا سوپاسی ئەو گیانفیدایییە دەکات.

 

کوردپرێس





ئەم هەواڵە 163جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad