English | عربی | Kurdî دواهەواڵ
ڕاستەوخۆ  
 
هێزا كارى
2020-08-02 [10:52 AM]

نڤیسینا : سه‌ردار هێتوتى


شیان و حه‌ز ژ فاكته‌رێن بهێزن ژ بۆ هێزا كارى، لێ د هه‌مان ده‌م دا ژیێ مرۆڤان یان بێژین ته‌مه‌نێ مرۆڤان ژى ڕولێ خۆ ل سه‌ر حه‌ز و ئه‌نجام دانا كاران هه‌یه‌، گوهرینا بله‌ز یا چه‌رخێ بۆ هه‌ر پێنگاڤ و داهینانه‌كێ ده‌ستپێكێ خۆ د هێزا گه‌نجاتیێ دا دبینیت و پاشان دگه‌ل ژیێ مرۆڤان مه‌زن دبیت.
ئه‌گه‌ر هێزا ته‌مه‌نى بهێته‌ به‌ر چاڤ وه‌رگرتن دێ ب زه‌لالى ئه‌نجامێن گه‌هشتنێ یێن بده‌ستڤه‌ئینانا داهینانێ د پاشه‌ڕۆژێ دا دیار بن.
گه‌نج لڤینه‌ر و ئاڤاكه‌رێ جڤاكانه‌، له‌ورا سالانه‌ ب ملیونان دولار ژ لایێ ده‌وله‌تێن مه‌زن یێن پیشه‌سازیێ ل هێز و هزرا گه‌نجان دهێته‌ خه‌رج كرن دا كو داهینان د به‌رده‌وام بن، حكومه‌تا هه‌رێما كوردستانێ یا كو پشت ب تاكه‌ داهاتێ خۆ گرێداى و شیانێن ده‌ست به‌ردانێ ژ وى داهاتى گه‌هشتینه‌ خالا دوماهیێ و هه‌رێم نه‌شێت بێى وى داهات بژیت ژ به‌ر كو نه‌شیایه‌ داهاتێ نافخۆ بكه‌ته‌ جهگورێ كه‌لوپه‌لێن بیانى و نه‌شیایه‌ مفا ژ گشت سه‌روه‌ت و سامانێ وه‌ڵاتى وه‌رگریت.
ل ڤێ هه‌رێما نه‌فتى یا كو هژمارا ڕونشتڤانێن وێ یێن گه‌نج د ئاسته‌كێ باش دایه‌ سبه‌ ڕۆژا خۆ یا تێكداى و یا ژ مه‌زناتیا ڤێ هێزێ بێ به‌هر بوى، ل ژێر ژیێ 35 ساڵیێ دا یێ بزاڤا ڕه‌ڤێ و بجهـ هێلانێ دكه‌ن و ئه‌وێن بۆ هنده‌ك مه‌ره‌مان ژى چوینه‌ ژ ده‌رڤه‌ى وه‌لاتى یێ ژ به‌هانه‌ و هێجه‌تان دگه‌رن دا كو نه‌ڤه‌گه‌رن كوردستانێ، له‌ورا بۆ پاراستنا هێزا عه‌قلى و ڕاگرتنا وێ ل كوردستانێ دڤێت حكومه‌ت كه‌رتێ خۆ یێ گشتى بچیك بكه‌ت و هژمارا فه‌رمانبه‌ران كێم بكه‌ت و كه‌رتێ تایبه‌ت بینیته‌ پێش و ده‌لیڤا ئێكسانیا كارى بۆ گشت سه‌رمایه‌داران وه‌ك ئێك بیت و نابیت قۆرخكارى هه‌بیت وه‌كى ئه‌ڤا نوكه‌ هه‌ى و كه‌سێن نێزیكى ده‌ستهه‌ڵاتێ حاكمێن ئێكانه‌ بن، و دگه‌ل ڤێ ده‌لیڤا كو ب سه‌رمایه‌داران دهێته‌ دان دڤێت مفا ژ هێز و شیان و ژیێ گه‌نجان بهێته‌ وه‌رگرتن.





ئەم هەواڵە 412جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad