English | عربی | Kurdî دواهەواڵ
ڕاستەوخۆ  
 
پەیامی مەکتەبی سیاسی پارتی دیموکراتی کوردستان لە(٦)ەمین ساڵیادی کارەساتی جینۆسایدی کوردانی ئێزدیی
2020-08-03 [02:38 AM]

ZNA- ھەولێر 


 ئەمڕۆ بیرەوەری (٦)ەمین ساڵوەگەڕی جینۆسایدی کوردانی ئێزدیی و کارەساتی دڵتەزێنی شنگالە، ئەو کارەساتەی ویژدانی کوردستانیان و سەرانسەری جیھانی ھەژاند.

 لەو بیرەورەیە تاڵەدا سڵاوی ئەمەک و وەفاداری بۆ گیانی پاکی قوربانیانی ئەو مەرگەساتە دەنێرین، پرسە و سەرەخۆشی لە خانەوادە و کەسوکاری سەربەرزی قوربانیان دەکەین و، ئومێدەوارین ئەمە دوا کارەسات و مەینەتیی خوشک و برایانی ئێزدیی بێت. 

جینۆسایدی خوشک و برا ئێزدییەکانمان لەلایەن رێکخراوی تیرۆرستی داعش ھەرچەندە رووداوێکی جەرگبڕ و ویژدان ھەژێن بوو لە مێژووی سەردەمی نوێی مرۆڤایەتی، بەڵام بڕوا و متمانەی کوردی ئێزدی بە خۆراگریی و بەردەوام بوون لە پەیامی ژیاندۆستی و کولتووری پێکەوەژیان و داکۆکیکردن لە وجود و باوەڕی خۆیانی بەھێزتر کرد. 

ئێمە وەک پارتی دیموکراتی کوردستان، لەو یادەدا دووپاتی دەکەینەوە، کە کوردستان وەک ھەمیشە بە لانکەی ئارامیی و ئاسوودەیی بۆ ھەموو پێکھاتە ئایینی و نەتەوەییەکان دەمینێتەوە، لەلایەکی دیکەوە ھەوڵ و کۆششەکانمان لە ھەموو لایەکەوە بەردەوام دەبن بۆ دەستەبەرکردنی سەقامگیریی و ئارامیی بۆ ناوچەکە بەگشتی و شنگال بەتایبەتی، ھەروەھا لەسەر ئاستی نێودەوڵەتیش ھاندەر و ھاریکاری ئەو لایەنە پەیوەندیدارانە دەبین کە کار بۆ بە جینۆساید ناساندنی ئەو تاوانە و قەرەبووکردنەوەی قوربانیەکانی دەکەن. 

لە (٦)مین ساڵیادی جینۆسایدکردنی کوردانی ئێزدیی، جارێکی دیکە سڵاو و درود بۆ قوربانیانی ئەو کارەساتە نامرۆڤایەتیە دەنێرین، سڵاو بۆ گیانی پاکی ئەو پێشمەرگە و فەرماندە قارەمانانەی کە بە سەرپەرشتی راستەوخۆی سەرۆک بارزانی شەنگالیان رزگار کرد و، گیانیان بەخشی... 

مەکتەبی سیاسی
 پارتی دیموکراتی کوردستان
 ٣ـی٨ـی٢٠٢٠

 





ئەم هەواڵە 3901جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad