English | عربی | Kurdî دواهەواڵ
ڕاستەوخۆ  
 
تەندروستی: له‌ هه‌ولێر ئاستی تووشبوون بە كۆرۆنا لە لووتکەیە، پێشبینی دەکەین هەفتەیەکی دیکە کەم ببێتەوە
2020-08-04 [12:41 PM]

ZNA - هه‌ولێر


 

بەڕێوەبەری گشتیی دیوان لە وەزارەتی تەندروستیی هەرێمی کوردستانیش ئاماژە بەوە دەکات، رۆژانە نزیکەی دوو هەزار کەس لە هەولێر تووشی ڤایرۆسی كۆرۆنا ده‌بن، وتیشی، ئێستا ئاستی تووشبوون بە ڤایرۆسەکە لە لووتکەیە، پێشبینی دەکەین تاوەکو هەفتەیەکی دیکە بەوشێوەیە بەردەوام بێت و دواتر کەم ببێتەوە.

د. خاڵس قادر، بەڕێوەبەری گشتیی دیوان لە وەزارەتی تەندروستی هەرێمی کوردستان لەبارەی داتاکانی تووشبووانی کۆرۆنا گوتی، ئێستا لە هەولێر کۆرۆنا لە لووتکەی بڵاوبوونەوەی دایە "بەداخەوە رۆژانە 200 حاڵەت دەستنیشاندەکرێن و نۆ ئەوەندەی دیکەش تووش دەبن، واتە رۆژانە نزیکەی 2000 تووشبوو، ئەو ژمارەیە لەسەر بنەمای ئیپیدیمیۆلۆجی، بەدواداچوون بۆ داتا پزیشکییەکان دەردەکەوێت و پێوەرێکی زانستییە، "ئەو تووشبووانەی دەستنیشاندەکرێن، تەنیا 20%ـی ژمارەی تووشبووانی راستەقینەن".

ئەو پێوەرە بۆ ژمارەی تووشبووانی کۆرۆنا لە چین، ئەمریکا و وڵاتانی دیکەش پشتی پێدەبەسترێت.

ئەو دکتۆرە ئاماژەی بەوە کرد، ئێستا ئاستی تووشبوون بە ڤایرۆسەکە لە هەولێر لە لووتکەیە، "پێشبینی دەکەین تاوەکو هەفتەیەکی دیکە بەوشێوەیە بەردەوام بێت و دواتر کەم ببێتەوە".

د. خاڵس ئاماژەی بەوەشکرد، "لە پلانماندابوو ژمارەی پشکنینەکان زیاد بکەین و سەنتەری نوێی پشکنین بکەینەوە، بەڵام بەهۆی بەرزبوونەوەی ژمارەی تووشبووان ناتوانین".

بەڕێوەبەری گشتیی دیوان لە وەزارەتی تەندروستی هەرێمی کوردستان داوا لە هاونیشتمانیان دەکات پابەندی رێکارە خۆپارێزییەکان بن، لە بەستنی دەمامک، دوورکەوتنەوە لە یەکدی و شوێنی قەرەباڵخ و دەستشووشتنی بەردەوام.

بەپێی ئامارەکانی وەزارەتی تەندروستی، لە تەواوی هەرێمی کوردستان، 14 هەزار و 816 تووشبووی کۆرۆنا دەستنیشانکراون کە نۆ هەزار و 413 کەسیان چاکبوونەتەوە و 574 کەسیان گیانیان لەدەستداوە، نزیكه‌ی پێنج هه‌زار كه‌س له‌ هه‌ولێر تووش بوون و 136 كه‌سیش گیانیان له‌ ده‌ستداوه‌.

 

رووداو





ئەم هەواڵە 6670جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad