English | عربی | Kurdî دواهەواڵ
ڕاستەوخۆ  
 
وه‌زیری ده‌ره‌وه‌ی توركیا سه‌ردانی لیبیای كرد
2020-08-06 [02:04 AM]

ZNA - هه‌ولێر


 

بەپێی ڕاگەیەندراوێکی وەزارەتی دەرەوەی تورکیا، ئه‌مڕۆ پێنجشەممە مەولود چاوشئۆغڵو وەزیری دەرەوەی تورکیا و ئیفاریس بارتۆلۆ وەزیری دەرەوەی ماڵتا پێكه‌وه‌ گەیشتنە تەرابلوس.

لەو ڕاگەیەندراوەدا هاتووە، هاوکاتی ئەم سەردانە وتووێژ لەسەر کارنامەی هاوبەشی هەر سێ وڵاتەکە دەکرێت، لە ڕاگەیەندراوەکەدا هیچ زانیاری و وردەکارییەکی زیاتر باس نەکراوە.

لەوەتای ساڵی 2011و ڕوخاندنی ڕژێمەکەی موعەمەر ئەلقەزافی، لیبیا لەبارێکی ئاڵۆزی ئاسایشی و سیاسیدایە و لە ساڵی 2015وە دوو دەسەڵات لە ململانێدان بۆ فەرمانڕەوایەتیکردنی لیبیا؛ یەکێکیان حکومەتەکی ویفاقی نیشتمانییە بە سەرۆکایەتی فایز ئەلسەراج و بنکەی لە تەرابلوسە و ئەوی تریشیان حکومەتێکی ترە لە ڕۆژهەڵاتی لیبیا و ژەنەراڵ خەلیفە حەفتەر سەرۆکایەتی دەکات.

ئانکەرە پشتیوانییەکی بەرچاوی حکومەتەکەی ئەلسەراج دەکات، هەر ئەمەش بۆتە هۆکاری پشێوی و کێشە لە نێوان تورکیا و ئەو وڵاتانەی پشتیوانی لە ژەنەراڵ حەفتەر دەکەن، وەک ڕوسیا، میسر، عەرەبستانی سعودیە و میرنشینە یەکگرتووەکانی عەرەب.

حکومەتی ویفاقی نیشتمانی ژمارەیەک ڕێککەوتنی ئاسایشی و دەریایی لەگەڵ تورکیادا مۆرکردووە کە یارمەتییە لەشکرییەکانیش بەشێکی ئەو ڕێککەوتنانەن.

بەهۆی ئەو یارمەتییە لەشکریانەی تورکیاوە، هێزە سەربازییەکانی حکومەتەکەی ئەلسەراج توانی دەستبگرێت بەسەر ناوچەکانی باکوری ڕۆژئاوای لیبیادا.

 

voa





ئەم هەواڵە 2416جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad