English | عربی | Kurdî دواهەواڵ
ڕاستەوخۆ  
 
ژمارەی تووشبووان بە ڤایرۆسی كۆرۆنا لەجیهاندا نزیك دەبێتەوە لە 20 ملیۆن
2020-08-09 [08:55 AM]

ZNA – هەولێر


ژمارەی تووشبووان بە ڤایرۆسی کۆرۆنا لە جیهاندا لە 20 ملیۆن کەس نزیک بووەتەوە و تەنها لەئەمریکا زیاتر لە پێنج ملیۆن كەس تووشی ڤایرۆسی كۆرۆنا بوون كە لەپلەی یەكەم دێت،  بەرازیلیش بە زیاتر لە سێ ملیۆن تووشبوو لە پلەی دووەمدا دێت.

لەگەڵ کەمکردنەوەی قەدەغەی هاتووچۆ لە وڵاتانی جیهان، تووشبوون و مردن بە کۆرۆنا لە زیادبووندایە، ئێستا 730 هەزار کەس بەو ڤایرۆسە مردوون، نزیکەی 13 ملیۆن کەس لەو 19 ملیۆن و 806 هەزار و 971 تووشبووە چاکبوونەتەوە.

ئەوروپاش بەدەست ئەم ڤایرۆسەوە دەناڵێنێت، لەگەڵ زیادبوونی مردن و تووشبوون بە کۆرۆنا، چەند وڵاتێک دووبارە هەوڵ بۆ سەپاندنەوەی رێوشوێنی دژ بە کۆرۆنا دەدەن.

لەگەل نزیکبوونەوە لە هەڵژاردنی سەرۆکایەتی و زیادبوونی گوشارەکان لەسەری، دۆناڵد ترەمپی سەرۆکی ئەمریکا پاکێجێکی نوێی دارایی بۆ بەرەنگاربوونەوەی کۆرۆنا بەبێ گەڕانەوە بۆ کۆنگرێس واژۆکرد.

پێشتر لە چوارچێوەی هاندانەکانی پێشووی حکومەتی ئەمریکا هەفتانە هەر کرێکارێک کە کارەکەی لەدەستدابوو 600 دۆلاری پێدەدرا بۆ ئەوەی بتوانێت بەردەوام بێت تاوەکو دەگەڕایەوە سەر کارەکەی، بەڵام وادەی پێدانی ئەو پارەیە تەواوبوو و رێککنەکەوتنی دوو پارتی کۆماری و دیموکراتیش لەسەر چۆنیەتیی هاندانە نوێیەکان وای لە سەرۆکی ئەمریکا کرد کە خۆی راستەوخۆ فەرمان بە درێژکردنەوەی بەخشینی یارمەتییە داراییەکان بە کرێکاران بدات.

 

 





ئەم هەواڵە 2146جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad