English | عربی | Kurdî دواهەواڵ
ڕاستەوخۆ  
 
بە بڕیاری سەرۆکی ھەرێم، عەبدولرەحمان سدیق پۆستێکی باڵا وەردەگرێت 
2020-08-10 [04:03 AM]

ZNA- ھەولێر 


ئەمڕۆ دووشەممە سەرۆکی ھەرێمی کوردستان فەرمانێکی ھەرێمی واژۆکرد بۆ دەستبەکاربوونی عەبدولڕەحمان سدیق، وەکو سەرۆکی دەستەی پاراستن و چاککردنی ژینگە لە ھەرێمی کوردستان. 
 

نێچیرڤان بارزانی، سەرۆکی ھەرێمی کوردستان سەرەڕای پیرۆزبایی، ھیوای سەرکەوتنی بۆ عەبدولڕەحمان سدیق لە ئەرکی نوێیدا خواست و "ستایشی شارەزایی و خزمەت و ھەوڵەکانی بۆ پاراستنی ژینگە و بڵاوکردنەوەی کولتووری ژینگەپارێزی" کرد. 
 

دەقی راگەیێندراوی سەرۆکایەتیی ھەرێمی کوردستان لەبارەی بڕیارەکە: 
 
ئەمڕۆ دووشەممە ١٠/٨/٢٠٢٠ بەڕێز نێچیرڤان بارزانی، سەرۆکی ھەرێمی کوردستان فەرمانی ھەرێمی بۆ بەڕێز عەبدولڕەحمان سدیق واژۆ کرد تا وەک سەرۆکی دەستەی پاراستن و چاککردنی ژینگە لە ھەرێمی کوردستان دەستبەکار بێت.
 
لە وتەیەکدا سەرۆک نێچیرڤان بارزانی وێڕای پیرۆزبایی و ھیوای سەرکەوتن بۆ بەڕێز عەبدولڕەحمان سدیق لە ئەرکی تازەیدا، ستایشی شارەزایی و خزمەت و ھەوڵەکانی بەڕێزی بۆ پاراستنی ژینگە و بڵاوکردنەوەی کولتووری ژینگەپارێزی ھەر لەدوای ڕاپەرینی ئازاری ١٩٩١ـەوە تا کاتێک دوای ساڵی ٢٠٠٣ لە بەغدا لە پۆستی وەزیری ژینگەی حکوومەتی عێراقیی فیدرالدا بوو لەو بوارەدا پێشکەشی کردووە، ھەروەھا ھیوای خواست کە ‌ھەموو تاکێکی کوردستان ھەست بەرپرسیاریەتی بەرامبەر بە ژینگە بکات و بیپارێزێت.


ی.ا
 





ئەم هەواڵە 4165جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad