English | عربی | Kurdî دواهەواڵ
ڕاستەوخۆ  
 
ئەمەریكا دوای شكستەكەی لەئەنجوومەنی ئاسایش هەڕەشە لە ئێران دەكات
2020-08-16 [09:08 AM]

​ZNA – هەولێر


ئەمەریكا بەنیازبوو بڕیاری قەدەغەی فرۆشتنی چەك بە ئێران درێژ بكاتەوە، بەڵام شكستی هێنا چونكە ئەنجوومەنی ئاسایشی نێودەوڵەتی واژووی لەسەر درێژ كرنەوەكە نەكرد و رەتی كردەوە، بۆیە ئەمەریكا هەڕەشەی سەپاندنی سزا نێودەوڵەتیەكان دەكات بەسەر ئێراندا .

رۆژی هەینی ئەنجوومەنی ئاسایش بە زۆرینەی دەنگ پێشنیازێکی ئەمریکای بۆ درێژکردنەوەی قەدەغەكردنی فرۆشتنی چەك بە ئێران رەتکردەوە

لە 18ی ئۆکتۆبەردا بڕیاری نەتەوە یەکگرتووەکان لەبارەی فرۆشتنی چەک بە ئێران کۆتایی دێت، هەرچەندە ئەمریکا دەیوست بڕیارەکە درێژبکاتەوە، بەڵام نەیتوانی ئەندامانی ئەنجوومەنی ئاسایش لەو بارەیەوە رازی بکات.

هەر بۆیە دۆناڵد ترەمپ، سەرۆکی ئەمریکا رایگەیاند کە وڵاتەکەی لە هەفتەی داهاتووەوە دەست دەکات بە کارکردن لەسەر دووبارە دانانەوەی هەموو سزا نێودەوڵەتییەکانی سەر ئێران.

ئەو سزایانەی ئەمریکا دەیەوێت دووبارە لەسەر ئێران دایانبنێتەوە، بریتین لە هەموو ئەو سزا نێودەوڵەتییانەی کە نەتەوە یەکگرتووەکان بەهۆی رێککەوتنی ئەتۆمی ئێران و گرووپی 5+1 لەسەر ئێرانی هەڵگرتبوون

هاوکات ڤلادیمێر پووتین، سەرۆکی رووسیا دوای هەڕەشەکانی ئەمریکا بۆ دووبارە سزادانەوەی ئێران لەبارەی ئێران و رێگەگرتن لە رووبەڕووبووونەوە داوای کۆبوونەوەی لووتکەی سەرکردەکانی جیهانی کردووە.

 

 





ئەم هەواڵە 7249جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad