English | عربی | Kurdî دواهەواڵ
ڕاستەوخۆ  
 
لیبیا... ده‌سه‌ڵاتدارانی بنغازی و ته‌رابلوس بە ئاگربەست گەیشتن
2020-08-22 [11:17 AM]

ZNA - هه‌ولێر


 

دوێنێ هەینی هەردوو دەسەڵاتە بەشەڕهاتووەکەی لیبیا بە جیا بەیاننامەیان بڵاوکردەوە و ئاگربەستیان ڕاگەیاند بەو هیوایەی لە ڕێگەی هەڵبژاردنەوە ناکۆکیـیەکانیان چارەسەربکەن.

حکومەتی تەرابلوس بە سەرۆکایەتی فایز ئەلسەراج کە تورکیا و قەتەڕ پـشتیوانی دەکات، لە بەیاننامەکەیدا فەرمانی کرد هەموو هێزە سه‌ربازییه‌كان لە تەواوی خاکی لیبیا دەستبەجێ شەڕ ڕابگرن.

داواشیکرد هەڵبژاردنی سەرۆکایەتی و پەرلەمانی لە مانگی سێی ساڵی داهاتوو ئەنجام بدرێت بەپـێی بنەمایەکی دەستوری کە لیبیـیەکان لەسەری ڕێبکەون.

حکومەتی بنغازی جەنەڕاڵ حەفتەر کە میسڕ و ئیمارات پشتیوانی دەکات، ئەویش لەلایەن عەقیلە ساڵح، سەرۆکی پەرلەمانەوە بەیاننامەیەکی بڵاوکرایەوە و داوای لە هەموو لایەک کرد دەستبەجێ لە تەواوی وڵاتەکە شەڕ ڕابگرن. گوتی ئەو ئاگربەستە ڕێگە لە دەستێوەردانی بیانی دەگرێت و دەبێتە مایەی وەدەرنانی بەکرێگیراون کە مەبەستی ئەو چەکدارە سوریـیانەیە تورکیا ڕەوانەی لیبیای کردوون بۆ پشتیوانیکردن لە حکومەتەکەی سەراج.

گوتیشی، هەوڵ دەدەن ڕابردوو لە بیربکەن و پەڕەیەکی نوێ هەڵبدەنەوە و حکومەتێک پـێکبهێنن کە لە ڕێگەی پـرۆسەی هەڵبژاردنێکی دەستوری بێتە سەر دەسەڵات.

لە قاهیرش، سەرۆکی میسڕ خۆشحاڵی خۆی بە ئاگربەستەکە دەربڕی و لەسەر فەیسبوکەکەی نووسی ئەوە هەنگاوێکی گرنگە بۆ بەدیهێنانی چارەسەرێکی سیاسی و خواستەکانی خەڵکی لیبیا بۆ گەڕانەوەی سەقامگیری و گەشەکردنی وڵاتەکەیان.





ئەم هەواڵە 6271جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad