English | عربی | Kurdî دواهەواڵ
ڕاستەوخۆ  
 
هێزەکانی حه‌فته‌ر: ئاگربه‌ست له‌ لیبیا ریكلامێكی میدیایه‌
2020-08-24 [12:23 PM]

ZNA - هه‌ولێر


 

هێزەکانی ڕۆژهەڵاتی لیبیا له‌ بنغازی ڕاگەیاندنەکەی حکومەتی تەرابولسیان بۆ ئاگربەست رەت کردەوە و بە "ڕیکلامێکی ميدیا"یان له‌ قه‌له‌م دا، له‌مباره‌یه‌وه‌ گوتەبێژی هێزەکانی حەفتەر کە بە 'سوپای نیشتمانیی لیبیا' ناودەبرێت، رێککەوتنی نێوان حکومەتی ویفاقی دانپێدانراوی نێودەوڵەتی و ئەنجوومەنی نوێنەرانی وڵاتی لە تبرق رەتکردەوە، ئاشکرایکرد هێزەکانیان بەهیچ شێوەیەک پابەندی ئاگربەستی راگەیێندراو نابن.

وتەبێژی سوپای نیشتیمانی لیبیا ئەحمەد مسماری وتی سوپای نیشتیمانی لیبیا ئامادەیە وەڵامی هەر هێرشێک لە دەوروبەری شاری سەرت و جەفرەی باشووری وڵاتەکە بداتەوە.

ئەم لێدوانەی مسماری یەکەمین لێدوانی هێزەکانی ڕۆژهەڵاتی لیبیایە دوای ئەوەی ڕۆژی هەینی ئاگربەست لەو وڵاتەدا ڕاگەیەندرا و داواکرا دووبارە حکومەتی وەفاقی نیشتیمانی بە سه‌ركردایه‌تی فائیز سەڕاج لە تەڕابلس دەست بە بەرهەمهێنانی نەوت بکاتەوە.

مسماری بە ڕۆژنامەنووسانی وت " ئەو دەستپێشخەرییەی سەڕاج واژووی کردووە تەنها بۆ ڕیکلامی ڕاگەیاندنەکانە، وتیشی، به‌پێی زانیارییه‌كان دوژمن دەیەوێت هێرش بکاتە سەر هێزەکانمان، میلیشیاکان خۆیان ئامادە دەکەن هێرش بکەنە سەر سەرت و هێزەکانمان لە جەفرە.

مسماری وتیشی، ئەگەر سەڕاج ئاگربەستی دەوێت، دەبوو هێزەکانی بکشێنێتەوە نەوەک بەرەو پێشەوە به‌ ئاراسته‌ی هێزه‌كانمان لە سرت بجوڵێنێت.

 





ئەم هەواڵە 6820جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad