English | عربی | Kurdî دواهەواڵ
ڕاستەوخۆ  
 
گرژییەكانی نێوان توركیا و یۆنان زیاد دەبێت و ئەڵمانیاش ناوبژیوانی دەكات
2020-08-25 [09:20 AM]

ZNA- هەولێر


ئەمڕۆ سێشەممە هایکۆ ماس، وەزیری دەرەوەی ئەڵمانیا سەردانی ئەنقەرە و ئەسینا دەکات بە مەبەستی گفتوگۆی تایبەت بە کێشەکانی دەریای ناوەڕاست و ئاڵۆزییەکانی نێوان تورکیا و یۆنان، ئەڵمانیا لەم دۆسیەدا رۆڵی ناوبژیوان دەگێڕێت.

هەرچەندە پێشتر یۆنان داوای لە یەکێتیی ئەوروپا کردبوو کاردانەوەی بەرامبەر تورکیا هەبێت، ئەگەر هاتوو ئەنقەرە بەردەوامبوو لە چالاکییەکانی لەو سنوورە ئاوییەی کە ئەسینا پێیوایە لە دەرەوەی سنووری ئەودایە لە دەریای ناوەڕاست، بەڵام جگە لە فەرەنسا وڵاتانی دیکە بەدەم داواکەی یۆنانەوە نەچوون.

 هەروەها کێشەی نێوان تورکیا و یۆنان دەبێتە کێشەی هاوپەیمانێتی ناتۆش، چونکە هەردوو وڵات ئەندامی ناتۆن و تەشەنەکردنی ئەو ئاڵۆزییانە درز دەخاتە نێو هاوپەیمانە سەربازییەکە

سەردانەکەی هایکۆ ماس بۆ تورکیا و یۆنان هەوڵێکی دیکەی ئەڵمانیایە بۆ هێورکردنەوەی ئاڵۆزییەکانی رۆژهەڵاتی دەریای ناوەڕاست.

هۆکارێکی سەرەکی کێشەکانی ئەنقەرە و ئەسینا تایبەتە بە سنوورە ئاوییەکانی دەریای ناوەڕاست و هەوڵەکانی گەڕان بەدوای سەرچاوەی وزە لەو سنوورە ئاویە لەلایەن تورکیاوە.

 یۆنان دەڵێت، تورکیا لە رۆژهەڵاتی دەریای ناوەڕاست سنوورە ئاوییەکانی دەبەزێنێت، داواشیکردووە یەکێتیی ئەوروپا سزا بەسەر ئەنقەرەدا بسەپێنێت. فەرەنسا و قوبرس پشتیوانی خۆیان بۆ داواکەی ئەسینا راگەیاندووە

بەڵام ئەڵمانیا دەڵێت ئەوروپا پێویستی بەوە نییە گرژییەکی دیکە لە ناوچەکەدا هەبێت. ئەنگێلا مێرکل، راوێژکاری ئەڵمانیا رایگەیاند: "پێویستمان بە سەقامگیرییە، نەوەک گرژی. ئێستا دۆخێکی ئاڵۆز هەیە. من دڵنیام ئەگەر فەرەنسا و ئەڵمانیا پەیوەندی بەو هەوڵانەوە بکەن، چارەسەرێکی باش دەدۆزنەوە. لەگەڵ ئەوەشدا ئێمە بەروونی دەڵیین، هیچ هیرشێک بۆ سەر سەروەری خاکی وڵاتێکی ئەندام لە یەکێتیی ئەوروپا قبووڵ ناکەین". 

هایکۆ ماس لە سەردانەکەیدا نیگەرانییەکانی ئەوروپا سەبارەت بە چالاکییەکانی تورکیا لە ناوچە ئاوییە ناکۆکی لەسەرەکان بە ئەنقەرە دەگەیەنێت و پێشنیازی گەڕی نوێی دانوستاندن بۆ چارەسەری کێشەکە دەکات

تورکیا چەند هەفتەیەکە دەستیکردووە بە گەڕان بەدوای سەرچاوەی وزەدا لە رۆژهەڵاتی دەریای ناوەڕاست، ئەوەش بە ئامانجی دۆزینەوەی سەرچاوەی نوێی وزە.

هەینیی رابردوو رەجەب تەیب ئەردۆغان دۆزینەوەی نزیکەی 320 میلیار مەتر سێجا گازی سروشتی لە دەریای رەش راگەیاند.

 

 





ئەم هەواڵە 5608جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad