English | عربی | Kurdî دواهەواڵ
ڕاستەوخۆ  
 
تورکیا یۆنان بە چەتەگەری تۆمەتبار دەکات
2020-08-31 [08:39 AM]

ZNA - هەولێر


تورکیا رۆژی دووشەممە ٣١ی ئاب یوۆنانی بە چەتەگەری لە دوڕگەیەکی کێشەلەسەری نێوانیان تۆمەتبار کرد.

پێوەندیەکانی تورکیا و یۆنان بە هۆی ناکۆکی لەسەر مافی دەریایی و سەرچاوەی وزە لە دەریای نێوەڕاست گەیشتووەتە نزمترین ئاستی خۆی و دوو وڵات لە ناوچەکەدا دەستیان بە مانۆڕی سەربازی کردووە.

یۆنان دەڵێت ئاوەکانی نزیک دوڕگەیەک کە دوو کیلۆمەتر لە رۆخی تورکیا دوورە، هی یۆنانە و دژی گەڕانی تورکیا بە دوای نەوت و گاز لەو شوێنەیە.

بە گوێرەی هەواڵی ئاژانسی فەرەنسا، وەک لەو وێنانەی هەفتەی ابردوودا دەبنێرێت، سەربازانی یۆنانی خەریکن لە دوڕگەکە دادەبەزن. ناوی دوڕگەکە بە  یۆنانی "کاستێلوریزو"یە و تورکەکانیش پێێ دەڵێن " مەئیس".

عومەر چەلیک، گوتەبێژی حزبی دەستەڵاتداری داد و گەشەپێدان لە تورکیا، لەمبارەیەوە دەڵێت " ئەو کارەی یۆنان لە دورگەی مەئیس چەتەگەرییە."

چەلیک لە ئەکاونتی تویتەری خۆی نووسیویەتی: " سێرەگرتنی چەک لە تورکیا کارێکی گەوجانەیە. یۆنان تێدەگات کە هەر هەنگاوێک باوێت وڵامێکی لێبڕاوانەی دەدەینەوە."

وەزارەتی دەرەوەی تورکیاش رۆژی یەکشەممە رایگەیاند کە ئەم دوڕگەیە بە گوێرەی پەیمان‌نامەی ساڵی ١٩٤٧ی پاریس شوێنێکی ناسەربازییە و ئەم جۆرە هەنگاوە ورووژێنەرانیە بۆ یۆنان هیچ سوودێکی لێناکەوێتەوە.





ئەم هەواڵە 6256جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad