English | عربی | Kurdî دواهەواڵ
ڕاستەوخۆ  
 
كەركووك...خۆكوژێك لەناو بازگەیەكی پۆلیسی فیدراڵی خۆی تەقاندەوە
2020-09-01 [08:26 AM]

​ZNA – هەولێر


لەنێو بازگەی مریەم بەگ لە باشووری کەرکووک،تەقینەوەیەكی خۆكوژی روویدا، لەئەنجامدا  5 کارمەندی هێزەکانی پۆلیسی فیدراڵی برینداربوون و ئافرەتێکیش گیانی لەدەستدا.

فیرقەی 6ـی پۆلیسی فیدراڵی لە بڵاوکراوەیەکدا رایگەیاند، بەیانی ئەمڕۆ سێشەممە ، کەسێکی خۆکوژ بە ئۆتۆمبێلێکی پیکاب هەوڵی داوە بچێتە نێو شاری کەرکووک، بەڵام بەهۆی رێگری لەلایەن هێزەکانی پۆلیس، کەسەکە خۆی تەقاندووەتەوە.

 بەپێی ئەنجامە سەرەتاییەکان بەهۆی تەقینەوەکەوە پێنج کارمەندی پۆلیسی فیدراڵی برینداربوون و ئافرەتێکیش گیانی لەدەستداوە، هاوکات زیانێکی زۆر بەر شوێنی تەقینەوەکە کەوتووە.

فیرقەی 6ـی پۆلیسی فیدراڵی لە بڵاوکراوەیەکدا رایگەیاند، ئەو تەقینەوەیە و کۆمەڵێک کردەی خۆکوژی هەن کە دەیانەوێت لە دەرەوەی کەرکووکەوە بێنە نێو شارەکە، هاوکات زانیاری وردی هەواڵگریشیان هەبووە سەربارەت بەو رووداوە خۆکوژییانەی کە ئەنجام دەدرێن، بۆیە پێشوەختە رێگریان کردووە و لە بازگەکانیش پشکنینەکانیان تووندوتۆڵ کردووە.

وەک فیرقەی 6ـی پۆلیسی فیدراڵی دەڵێت، ئەوان رێگرییان کردووە لەوەی ئەو ئۆتۆمبێلە کە ئەو خۆکوژەی تێدابووە، بچێتە نێو شاری کەرکووک، بۆیە هەر لەنێو بازگەکە خۆی تەقاندووەتەوە.

بازگەی مریەم بەگ دەکەوێتە باشووری کەرکووک و نێوان حەویجە و ناوەندی شاری کەرکووک، بازگەکە سەر بە هێزەکانی پۆلیسی فیدراڵییە.

 

 

 





ئەم هەواڵە 3076جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad