English | عربی | Kurdî دواهەواڵ
ڕاستەوخۆ  
 
وەزارەتی بەرگری توركیا: ئۆپەراسیۆنەكەمان دژی پەكەكە لە حەفتانین كۆتایی هات
2020-09-06 [08:30 AM]

ZNA – هەولێر


وەزارەتی بەرگریی تورکیا لەراگەیێندراوێكیدا رایگەیاند، هەڵمەتی گەڕان لە حەفتانین لە دژی گەریلاکانی پارتی کرێکارانی کوردستان "بە سەرکەوتوویی کۆتاییهات".

وەزارەتی بەرگریی تورکیا لە راگەیێندراوەكەیدا رایگەیاند: هەڵمەتی گەڕان و پشکنینی هێزەکانیان لە چوارچێوەی ئۆپەراسیۆنی چنگی پڵنگ لە ناوچەی حەفتانینی باشووری کوردستان کۆتاییهاتووە.

لە راگەیێندراوەکەی وەزارەتی بەرگریی تورکیادا هاتووە: "هەڵمەتی گەڕان و پشکنین لەچوارچێوەی ئۆپەراسیۆنی چڕنووکی پڵنگ لە حەفتانینی باکووری عێراق، کە رۆژی 16ی حوزەیرانی 2020 دەستیپێکردبوو، بە سەرکەوتوویی کۆتاییهات. هێزەکانی کۆماندۆمان چوونە نێو هەموو پەناگە و حەشارگە و ئەشکەوتەکانی ناوچەکە و بنەوانی تیرۆریان تەختکرد".

شەوی 15ی حوزەیرانی 2020، وەزارەتی بەرگریی تورکیا ئۆپەراسیۆنێکی ئاسمانیی بە ناوی "چڕنووکی هەڵۆ" دژی پەکەکە، لە ناوچەی حەفتانین راگەیاند، هەروەها رۆژی 16ی هەمان مانگیش ئۆپەراسیۆنێکی وشكانی بە ناوی "چنگی پڵنگ" راگەیاند و هێزەکانی بە مەودای 45 کیلۆمەتر هێنایە نێو سنووری هەرێمی کوردستان.

 

 





ئەم هەواڵە 5875جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad