English | عربی | Kurdî دواهەواڵ
ڕاستەوخۆ  
 
سلێمانی ... پریسچ و شه‌وانی شار داده‌خرێن
2020-09-07 [11:45 AM]

ZNA - هه‌ولێر


قائیمقامیه‌تی سلێمانی له‌ راگه‌یه‌نراوێكدا كه‌ وێنه‌یه‌كی بۆ ئاژانسی هه‌واڵی زاگرۆس هاتووه‌، رایگه‌یاند، به‌هۆی پابه‌ند نه‌بون به‌مه‌رج و رێنماییه‌كانی كاركردن و هه‌بونی نه‌وجه‌وان له‌شوێنه‌كه‌یاندا، لیژنه‌ هاوبه‌شه‌كانی قائیمقامیه‌تی سلێمانی دو كافتریا داده‌خات.

ئه‌مڕۆ دوشه‌ممه‌، لیژنه‌ی ریستۆرانتی سه‌ر به‌لیژنه هاوبه‌شه‌كانی قائیمقامیه‌تی سلێمانی، له‌ راپۆرتی كار و چالاكییه‌كانی شه‌وی رابردوی خۆیاندا، نوسیویه‌تی: به‌هۆی پابه‌ند نه‌بون به‌مه‌رج و رێنماییه‌كانی كاركردن و جێبه‌جێ نه‌كردنی مه‌رجه‌كانی‌ ته‌ندروستی و رێكاره‌كانی خۆپارێزی، لیژنه‌كه‌ هه‌ردو كافتریای (پریسچ) له‌شه‌قامی سالم و (شه‌وانی شار) له‌ شه‌قامی بازنه‌یی مه‌لیك مه‌حمود له‌شاری سلێمانی داده‌خات.

ئه‌وه‌شی رونكردوه‌ته‌وه‌: له‌كاتی سه‌ردانی لیژنه‌كه‌ بۆ كافتریای (پرسیچ) لیژنه‌كه‌ ده‌ستی به‌سه‌ر خواردنه‌وه‌ مه‌ستییه‌كاندا گرتوه‌، هه‌روه‌ها له‌ كافتریای (شه‌وانی شار)دا رێگری له‌ هاتوچۆكردنی نه‌وجه‌وان و ته‌مه‌ن خوار (18) ساڵ نه‌كراوه‌ و نێرگه‌له‌یان پێشكه‌ش كراوه‌، كه‌ئه‌مه‌ش پێچه‌وانه‌ی مه‌رج و رێنماییه‌كانی كاركردنه‌ له‌ كافتریاكاندا بۆیه‌ لیژنه‌ هاوبه‌شه‌كان رێگریان لێده‌كات.

راپۆرتی لیژنه‌كه‌ی ریستۆرانت ئاماژه‌ی به‌وه‌كردوه‌: به‌فه‌رمانی قائیمقامی سلێمانی هه‌ردو كافتریای (پریسچ) و (شه‌وانی شار) داده‌خرێن و خاوه‌نه‌كانیشیان روبه‌ڕوی رێكاری یاسایی ده‌كرێنه‌وه‌.

لیژنه‌ی ریستۆرانت‌، یه‌كێكه‌ له‌ لیژنه ‌هاوبه‌شه‌كانی قائیمقامیه‌تی سلێمانی به‌ شێوه‌یه‌كی به‌رده‌وام سه‌ردانی كافتریا، ریستۆرانت‌ و هه‌مو ئه‌و شوێنه‌ گه‌شتیارانه‌ ده‌كات هاوڵاتیان، میوانان و گه‌شتیارانی شاری سلێمانی بۆ به‌سه‌ر بردنێكی كاتێكی خۆش روی تێده‌كه‌ن، شوێنه‌كان پابه‌ندی مه‌رج ورێنمایه‌كانی كاركردن ده‌كاته‌وه‌ و له‌كاتی هه‌بوونی سه‌رپێچی شوێنه‌كه‌ و خاوه‌نه‌كه‌شی روبه‌روی رێكاری یاسایی ده‌كاته‌وه‌.





ئەم هەواڵە 2467جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad