English | عربی | Kurdî دواهەواڵ
ڕاستەوخۆ  
 
بۆچی لەكاتی بڵاوبونەوەی كۆرۆنادا خواردنی پەڵپینە گرنگە
2020-09-07 [03:34 AM]

ZNA ــ هەولێر


پەڵپینە یەكێكە لەو ڕووكانەی كە بەشێوەیەكی خۆڕسك  لە وەرزەكانی بەهار و هاویندا دەڕوێت و پسپۆڕانی بواری خۆراكی چەند توێژینەوەیەكیان لەسەر ئەنجامداوە و سودەكانیان بۆ لەش ئاشكرا كردووە.

 

 
ئەو سەوزەیە زیاتر وەك شۆربا ئامادە دەكرێت و زۆر كەسیش بە شێوەی زەڵاتە و شلە و چەند شێوەیەكی دیكە ئامادە دەكرێت، ئەمە جگە لەوەی سودەكانی وای لە پسپۆڕانی دەرمانی سروشتی كردووە، چەند جۆرە چارەسەرێكی لێ دروست بكەن كە دەتوانرێت دژی چەند نەخۆشییەك بەكاربهێنرێت.

پەڵپینە زۆرترین جۆری ڤیتامینەكانی تێدا كۆبۆتەوە وەك ئەی و بی و سی و دی و ئی هەروەها دەوڵەمەندە بە كانزاكانی ئاسن و مەگنسیۆم و كالسیۆم و پۆتاسیۆم، لەگەڵ بونی بڕێكی زۆر لە ماددەی بیتا كارۆتین، لەگەڵ بڕێكی زۆر ترشە چەوری ئۆمیگا سێ كە تەنها لە ماسیدا بەو ڕێژە زۆرە بونی هەیە.

 

توێژینەوە پزیشكییەكان باس لەوە دەكەن، پەڵپینە بەرگری لەش دژی نەخۆشی شێرپەنجە بەهێز دەكەن و ڕێگری لە گەشەی خانە شێرپەنجەیەكان دەكەن، ئەمە جگە لەوەی چارەسەرێكی باشە بۆ ئەو كەسانەی توشی هەوكردنی میزەڵدان دەبن.

 

ئەو سەوزەیە سودی بۆ دەمارەكانی مێشك هەیە و چارەسەری سەرئێشە دەكات، هاوكات كرمی ڕێخۆڵەكان لەناو دەبات و ئازاری ناو سك كەمدەكاتەوە، هەروەها سودی بۆ پێست هەیە و جوانتر دەریدەخات دەشتوانرێت وەك چارەسەر دژی نەخۆشی ئەكزیما بەكاربهێنرێت، لەگەڵ ئەوانەشدا یارمەتی چاكبونەوەی برینی ناو دەم و هەوكردنی پوك دەدات و ددانەكانیش بەهێز دەكات لە كلۆربوون دەیانپارێزێت.

 

پەڵپینە لە كاتی توشبوون بە ئەنفلۆنزا و پەتا وەرزییەكان دەتوانرێت وەك چارەسەرێك دژی كۆكە و هەڵامەت و بەرزبونەوەی پلەی گەرمی لەش بەكاردەهێنرێت، هەروەها دەتوانرێت لەم كاتەشدا كە ڤایرۆسی كۆرۆنا بڵاوبۆتەوە سودی لێوەربگیرێت، چونكە نیشانەكانی كۆرۆنا هەمان نیشانەی پەتا وەرزییەكانە.

 

لەگەڵ ئەو سودانەشدا زۆر خواردنی پەڵپینە كە لە بڕی پێویست زیاتر بێت زیانی دەبێت، بەتایبەت بۆ خانمانی دووگیان و كۆرپەكەی سكیان، هەروەها زۆر خواردنی لەلایەن پیاوانەوەبەشێوەیەكی ڕۆژانە بەردەوام دەبێتە هۆی لاواز كردنی توانی سێكسی.





ئەم هەواڵە 2986جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad