English | عربی | Kurdî دواهەواڵ
ڕاستەوخۆ  
 
سەعید ھەرکی: بەدواداچوون دەکەین بۆ کێشە و داواکاریەکانی ھێزی پێشمەرگەی کوردستان
2020-09-07 [04:52 AM]

ZNA-هەولێر


ئەندامێکی لیژنەی کاروباری پێشمەرگە لە پەرلەمانی کوردستان رایگەیاند، بەمەبەستی  ئاراستەکردنی چەندین پرسیار لە چوارچێوەی کێشە و گرفت و داواکارییەکانی ھێزی پێشمەرگەی کوردستان، لیژنەی پێشمەرگە بانگھێشتی سوپاسالاری پێشمەرگە دەکات.


سەعید ھەرکی، ئەندامی لیژنەی کاروباری پێشمەرگە لە پەرلەمانی کوردستان، بە ئاژانسی ھەواڵی زاگرۆسی ڕاگەیاند: سبەی سێشەممە ٨ی٩ی٢٠٢٠ لیژنەی کاروباری پێشمەرگە لە پەرلەمامی کوردستان بە ئامادبوونی فەریق جەمال ئیمینکی، سوپاسالاری پێشمەرگە، کۆبوونەوەی خۆی ئەنجام دەدات سەبارەت بە گفتوگۆکردن لە بارەی کێشە و داواکارییەکانی ھێزی پێشمەرگە کە یەکێک لەوانە یەکسانیی لە دەوامی ھێزەکانی پێشمەرگە.


ئەندامی لیژنەی کاروباری پێشمەرگە لە پەرلەمانی کوردستان گووتی: تەوەرێکی دیکەی کۆبوونەوەکە گفتووگۆێ لە سەر دەکرێت لەگەل فەریق جەمال ئیمینکی، سوپاسالاری پێشمەرگە، تایبەت دەبێت بە بابەتی پلە بەرزکردنەوە و چاکسازی لە پلەی شایستەی ئەفسەرانی پێشمەرگە و دابینکردنی پێداویستییەکانی ھێزی پێشمەرگەی کوردستان .


ھەروەھا سەعید ھەرکی، ئەندامی لیژنەی کاروباری پێشمەرگە لە پەرلەمانی کوردستان ئەوەشی بۆ ئاژانسی ھەواڵی زاگرۆس خستەروو، کە یەکخستنەوەی ھێزەکانی پێشمەرگە گرنگە و لەگەڵ سوپاسالاری پێشمەرگە باسی لێوە دەکەین و لە بەشێکی دیکەی کۆبوونەوەکەدا باس لە چاکسازیی لە خانەنشینانی پێشمەرگە و ھاوکارییەکانی ھاوپەیمانان و پەیوەندیی نێوان پێشمەرگە و سوپای عێراق.

 

 

رێباز یونس





ئەم هەواڵە 3334جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad