English | عربی | Kurdî دواهەواڵ
ڕاستەوخۆ  
 
سوودەكانی گریان بۆ تەندروستی مرۆڤ
2020-09-08 [09:12 AM]

ZNA ــ هەولێر


هەرچی حەزمان پێی نەكرد مانای وانییە خراپ بێت، وەك ئەوەی هیچمان حەز بەگریان ناكەین، بەڵام چەندین لێكۆڵینەوە سوودە تەندروستییەكانی گریانیان ئاشكرا كردووە .

بەگوێرەی پێگەی پزیشكی "ئی تایمز"، ئەو لێكۆڵینەوانەی لەوبارەیەوە كراون دەریخستووە، گریان ژەهری ناو جەستە لادەبات و دوودڵی و شڵەژانی دەروونی سووك دەكات .

لێكۆڵینەوەكان دەڵێن: كاتێك كەسێك دەگریەت ئەوە فرمێسكەكانی زیاتر ئەو هۆڕمۆنانە بەئامانج دەگرێت كە دەبنە هۆی سترێس و دڵەراوكێ، كە لەكاتی گریاندا لە جەستە دەكرێنە دەرەوە.

فرمێسك ماددەی "لیزۆزیم"ی تێدایە، كە یارمەتی پاككردنەوەی چاوەكان دەدات، بەشێوەیەك بەپێی ئەو توێژینەوانەی لەساڵی ٢٠١١ كراون ، لیزۆزیم مەترسییەكانی تووشبوون بە هەندێك جۆری بەكتریا كەمدەكاتەوە ، هەروەك فرمێسك پارێزگاری لە شێداری چاو دەكات و بینایی چاوەكان روونتر دەكات.

لەبەرانبەردا كپكردنی گریان چەند كاریگەرییەكی نەرێنی هەیە ، وەك زیادبوونی لێدانەكانی دڵ ، بەشێوەیەك كەسێك لەسەروبەندی گریاندا بێت بەڵام هەوڵی خۆكۆنترۆڵكردن و نەهێشتنی هاتنەخوارەوەی فرمێسكەكانی بێت ، ئەوە لەوكاتەدا تێكڕای لێدانەكانی دڵ زیاد دەكات و ماسولكەی دڵ سست دەبێت . 

باسی لەوەش كردووە، كە كاتێك كەسێك ڕێگری گریانی خۆی دەكات، لەهەمان كاتیشدا بەهۆی ئەوەی ڕارایە و دڵەراوكێی هەیە  بەدەست تەنگەنەفەسی و خێرایی لێدانەكانی دڵی دەناڵێنێت ، ئەمە وادەكای ڕێرەوە هەواییەكانی نێوان لووت و سییەكان زیاتر گرژ ببن . 

ڕێگریكردن لە هاتنەخوارەوەی فرمێسك كاریگەری دەبێت لەسەر ئاستی شەكری ناو خوێنیش دەبێت ، بەشێوەیەك مێشك ئاماژەگەلێك بۆ ڕژێنی ئەدریناڵ دەنێرێت تاوەكو هۆڕمۆنی دوودڵی دەربدات وەك هۆڕمۆنەكانی ئەدریناڵین و كۆرتیزۆل كە كار لەسەر زیادكردنی تێكڕای لێدانی دڵ و پەستانی خوێن دەكەن ، كە ئەمە لە تەنگە نەفەسی و سینگ توندیدا رەنگ دەداتەوە ، ئەوە جگە لەوەی لەحاڵەتی ڕێگریكردن لە گریان ئەوە ئەو هۆڕمۆنانە كاریگەری دەكەنە سەر حەزی خواردن و ئاستی شەكری خوێن.





ئەم هەواڵە 3925جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad