English | عربی | Kurdî دواهەواڵ
ڕاستەوخۆ  
 
هێمن سەیدا موراد: لە هەولێر دەستمان بەسەر ۱۹۳ تۆن خۆراك و کاڵای ماوەبەسەرچوودا گرتووە
2020-09-09 [07:39 AM]

ZNA-هەولێر


 لە سەرەتای ساڵی ٢٠٢٠وە تاکۆ ئێستا ۱۹۳ تۆن خۆراک و کاڵای ماوەبەسەرچوو لە چەند کۆگایەکدا لە پارێزگای هەولێر دەستیان بەسەردا گیراوە و لەناوبراون.


هێمن سەید موراد، بەڕێوەبەری چاودێریی بازرگانیی هەولێر بە ئاژانسی هەواڵی زاگرۆسی ڕاگەیاند: تەنها ئەمساڵ لە هەولێر ۱۹۳ تۆن کاڵا و خۆراکی ماوەبەسەرچوو  و تێکچووی دەستمان بەسەردا گرتووە و لەناومان بردوون.


هێمن سەید موراد گووتی: لە چەند ڕۆژی ڕابردوودا دەستمان بەسەر۲۱ تۆن خۆراک و کاڵای خراپبوودا گرتووە و کۆتایی هەفتەی رابردووش دەستمان بەسەر ۱۲ تۆن خواردن و خۆراکی ئێکسپایەردا گرتووە، هەروەها لە یەک دوو ڕۆژی ڕابردوودا بە هەماهەنگی بەشی ئابووریی ئاسایشی هەولێر لە کۆگایەکدا دەستمان بەسەر ۹ تۆن خواردنی ئێکسپایەر و ماددەی پاککەرەوە و کاڵای خراپبوودا گرتووە، کە لە نێویاندا چەند تۆنێک فینگەر هەبوو، بۆگەن بووبوو، چونکە لەنێو ساردکەرەوە هەڵنەگیرابوو، بەڵکوو لە کۆگایەک فڕێ درابوو.


هەروەها هێمن سەید موراد بەرێوبەری چاودێری بازرگانی هەولێر ئەوەشی بۆئاژانسی هەواڵی زاگرۆس خستەروو گووتی: هەموو ئەو خاوەن شوێنانەی ئەو کە ماددە و کەل وپەلی ماوەبەسەرچوومان تیایدا دەستمان بەسەرداگرتووە سزایای یاسایی وەردەگرن.

 

دڵشاد یونس هەرکی

 





ئەم هەواڵە 3148جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad