English | عربی | Kurdî دواهەواڵ
ڕاستەوخۆ  
 
پەڵپینە دژایەتی كۆڕۆنا دەكات
2020-09-09 [12:24 PM]

ZNA ــ هەولێر


 

پەڵپینە یەكێكە لەو ڕووەكانەی كە بەشێوەیەكی خۆڕسك لە وەرزەكانی بەهارو هاویندا دەڕوێت و پسپۆڕانی بواری خۆراكی چەند توێژینەوەیەكیان لەسەر ئەنجامداوەو سودەكانیان بۆ لەش ئاشكرا كردووە.

ئەو ڕووەكە زیاتر وەك شۆربا ئامادە دەكرێت و زۆر كەسیش بە شێوەی زەڵاتەو شلەو چەند شێوەیەكی دیكە ئامادەی دەكەن، ئەمە جگە لەوەی سوودەكانی وای لە پسپۆڕانی دەرمانی سروشتی كردووە، چەند جۆرە چارەسەرێكی لێ دروست بكەن كە دەتواندرێت دژی چەند نەخۆشییەك بەكاربهێنرێت.

پەڵپینە زۆرترین جۆری ڤیتامینەكانی تێدا كۆبۆتەوە وەك ئەی و بی و سی و دی و ئی هەروەها دەوڵەمەندە بە كانزاكانی ئاسن و مەگنسیۆم و كالسیۆم و پۆتاسیۆم، لەگەڵ بوونی بڕێكی زۆر لە ماددەی بیتا كارۆتین، لەگەڵ بڕێكی زۆر ترشە چەوری ئۆمێگا سێ كە تەنها لە ماسیدا بەو ڕێژە زۆرە بوونی هەیە.

توێژینەوە پزیشكییەكان باس لەوە دەكەن كە پەڵپینە كۆمەڵێك سوودی هەیە، وەك ئەمانەی خوارەوە:

1. پەڵپینە بەرگری لەش دژی نەخۆشی شێرپەنجە بەهێز دەكات و ڕێگری لە گەشەی خانە شێرپەنجەییەكان دەگرێت.

2. چارەسەرێكی باشە بۆ ئەو كەسانەی تووشی هەوكردنی میزەڵدان دەبن.

3. سوودی بۆ دەمارەكانی مێشك هەیەو چارەسەری سەرئێشە دەكات.

4. هاوكات كرمی ڕێخۆڵەكان لەناو دەبات و ئازاری ناو سك كەمدەكاتەوە.

5. سوودی بۆ پێست هەیەو جوانتر دەریدەخات.

6. وەك چارەسەر دژی نەخۆشی ئەگزیما بەكاردەهێنرێت.

7. یارمەتی چاكبوونەوەی برینی ناو دەم و هەوكردنی پوك دەدات و ددانەكانیش بەهێز دەكات لە كلۆربوون دەیانپارێزێت.

8. پەڵپینە لەكاتی توشبوون بە ئەنفلۆنزاو پەتا وەرزییەكان دەتوانرێت وەك چارەسەرێك دژی كۆكەو هەڵامەت و بەرزبونەوەی پلەی گەرمی لەش بەكاربهێنرێت، هەروەها دەتوانرێت لەم كاتەشدا كە ڤایرۆسی كۆرۆنا بڵاوبۆتەوە سوودی لێوەربگیرێت، چونكە نیشانەكانی كۆرۆنا هەمان نیشانەی پەتا وەرزییەكانە.

9. لەگەڵ ئەو سوودانەشدا زۆر خواردنی پەڵپینە كە لە بڕی پێویست زیاتر بێت زیانی دەبێت، بەتایبەت بۆ خانمانی دووگیان و كۆرپەكەی سكیان، هەروەها زۆر خواردنی لەلایەن پیاوانەوە بەشێوەیەكی ڕۆژانە بەردەوام دەبێتە هۆی لاواز كردنی توانی سێكسی.

 





ئەم هەواڵە 2977جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad