English | عربی | Kurdî دواهەواڵ
ڕاستەوخۆ  
 
یۆنان: نابێت ئەوروپا بەم کارە دوژمنکارییەی تورکیا ڕازی ببێت
2020-09-10 [11:46 AM]

ZNA - هه‌ولێر


 

سەرۆک وەزیری یۆنان کیریاکۆس میتسوتاکیس وتی پێویستە لەسەر یەکێتی ئەوروپا سزا بەسەر تورکیادا بسەپێنێت ئەگەر هاتوو ئەو وڵاتە لە ناوچە دەریاییە جێناکۆکی لەسەرەکانی ڕۆژهەڵاتی دەریای ناوەڕاست نەکشێتەوە، وتیشی، ئەگەر ئەوروپا دەیەوێت دەسەڵاتی سیاسی جوگرافی ڕاستەقینە پەیڕەو بکات ئەوا نابێت بەم کارە دوژمنکارییەی تورکیا ڕازی ببێت.

میتسوتاکیس لە نوسراوێکدا کە لە هەریەک لە ڕۆژنامەکانی لەندەن تایمز و فرانکفۆرت ئالژماینەی ئەڵمانی و لۆ مۆندی فەڕەنسیدا بڵاوکراوەتەوە دەڵێت " پێویستمان بە گفتوگۆکردنە بەڵام لەژێر هەڕەشەدا نا. ئەوەی هەڕەشەیە بۆ سەر گوزەران و ئاسایشی وڵاتەکەم هەڕەشەیە بۆ سەر پارێزراوی و ئاسایشی هەموو وڵاتانی ئەندام لە یەکێتی ئەوروپادا."

واپێشبینی دەکرێت یەکێتی ئەوروپا لەم مانگەدا وەڵامی خۆیان لەسەر تورکیا ڕابگەیەنن.

سەرۆک وەزیری یۆنان ئەوەشی خستەڕوو ئەگەر تورکیا لەو ناوچە دەریاییەی یۆنان نەکشێتەوە ئەوا دەبێت سزای بەسەردا بسەپێندرێت.

وتی " ئەگەر ئەوروپا دەیەوێت دەسەڵاتی سیاسی جوگرافی ڕاستەقینە پەیڕەو بکات ئەوا نابێت بەم کارە دوژمنکارییەی تورکیا ڕازی ببێت."

 

ڕۆیتەرز





ئەم هەواڵە 5542جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad