English | عربی | Kurdî دواهەواڵ
ڕاستەوخۆ  
 
له‌سه‌ر ئاساییكردنه‌وه‌ی په‌یوه‌ندییه‌كان، توركیا ره‌خنه‌ی توند له‌ بەحرەین ده‌گرێت
2020-09-12 [10:31 AM]

ZNA - هه‌ولێر


 

وەزارەتی دەرەوەی تورکیا، سەبارەت بە بڕیاری بەحرەین بۆ ئاساییکردنەوەی پەیوەندی دیپلۆماسی لەگەڵ ئیسرائیلدا رایگەیاند ''بە نیگەرانییەوە لە بڕیاری بەحرەین دەڕوانین بۆ بنیاتنانی پەیوەندی دیپلۆماسی لەگەڵ ئیسرائیل و بە توندی ئیدانەی دەکەین''.

لە راگەیەندراوێکدا کە لە لایەن وەزارەتی دەرەوەی تورکیاوە بڵاوکراوەتەوە، ئاماژە بەوە کراوە کە ئەو بڕیارەی بەحرەین پێچەوانەی بەڵێنەکانێتی لە بازنەی هەوڵی ئاشتیی عەرەبی و رێکخراوی هاریکاری ئیسلامی ،و رایگه‌یاند؛ ''بە نیگەرانییەوە لە بڕیاری بەحرەین دەڕوانین و بە توندی ئیدانەی دەکەین کە دوای ئیمارات کەوتووە بۆ بنیاتنانی پەیوەندی دیپلۆماسی لەگەڵ ئیسرائیل کە ئەوەش پێچەوانەی بەڵێنەکانێتی لە بازنەی هەوڵی ئاشتیی عەرەبی و رێکخراوی هاریکاری ئیسلامیدا''.

لە راگەیەندراوەکەدا جەخت لەسەر ئەوە کراوەتەوە کە ئەو هەنگاوە گورز دەدات لە کارەکانی بەرگریی لە دۆزی فەڵەستین و، هاتووە؛ ''ئەو هەنگاوە ئیسرائیل بوێرتر دەکات لە درێژەدان بە رێکاریە ناشەرعیيەکانی بەرامبەر فەڵەستین و هەوڵەکانی بۆ داگیرکردنی هەمیشەیی خاکی فەڵەستین''.

هەروەها لە راگەیەندراوەکەدا باس لەوە کراوە کە تاکە رێگای بنیاتنانی ئاشتیی و سەقامگیری لە خۆرهەڵاتی ناوەڕاستدا بە دۆزینەوەی چارەسەری دادپەروەرانە و گشتگیری دۆزی فەڵەستیندا تێدەپەڕێت لە چوارچێوەی یاسای نێودەوڵەتی و بڕیارەکانی نەتەوە یەکگرتووەکاندا.

 

aa





ئەم هەواڵە 5743جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad