English | عربی | Kurdî دواهەواڵ
ڕاستەوخۆ  
 
وه‌زیری ده‌ره‌وه‌ی ئه‌مریكا سه‌ردانی قوبرسی یۆنانی كرد
2020-09-13 [12:30 PM]

ZNA - هه‌ولێر


 

وه‌زیری ده‌ره‌وه‌ی ئه‌مریكا، مایك پۆمپیۆ له‌ میانی سه‌ردانه‌كه‌یدا بۆ ئیداره‌ی رومی قوبرسی باشوور (قوبرسی یۆنان)، رایگه‌یاند "ده‌بێت وڵاتانی ناوچه‌كه‌ به‌ رێگای دیپلۆماتی و ئاشتییانه‌ كێشه‌كانی نێوانیان له‌باره‌ی سه‌رچاوه‌كانی وزه‌ و سنووره‌ ده‌ریاییه‌كان چاره‌سه‌ر بكه‌ن".

به‌پێی ئه‌و هه‌واڵه‌ی كه‌ له‌ میدیاكانی ئه‌مریكا و قوبرسی یۆنان بڵاو كراونه‌ته‌وه‌، مایک پۆمپیۆ له‌ میانی سه‌ردانه‌كه‌یدا له‌گه‌ڵ سه‌رۆكی ئیداره‌ی رومی قوبرسی باشوور، نیكۆس ئانستاسیادێس كۆبووه‌ته‌وه‌ و وه‌زیری ده‌ره‌وه‌ی ئیداره‌ی رومی قوبرسی باشوور، نیكۆس كریستۆدۆولیدێس به‌شدار بووه‌ له‌ كۆبوونه‌وه‌كه‌دا.

وه‌زیری ده‌ره‌وه‌ی ئه‌مریكا، مایك پۆمپیۆ دوای كۆبوونه‌وه‌كه‌ رایگه‌یاند كه‌ گرژییه‌كان كێشه‌كانی رۆژهه‌ڵاتی ده‌ریای ناوه‌ڕاست چاره‌سه‌ر ناكه‌ن و گوتی: "ئه‌مریكا به‌قوڵی نیگه‌رانه‌ له‌ چالاكییه‌كانی توركیا لە رۆژهه‌ڵاتی ده‌ریای ناوه‌ڕاست. كۆماری قوبرس مافی ئه‌وه‌ی هه‌یه‌ سوود له‌ سه‌رچاوه‌ سروشتییه‌كانی ببینێت به‌ سه‌رچاوه‌كانی هایدرۆكاربۆنیشه‌وه‌ له‌ ناوچه‌ی ده‌وردراوی ئابووری خۆیشییه‌وه‌".

مایک پۆمپیۆ له‌ به‌شێكی دیكه‌ی گوته‌كانیدا، گوتی: "ده‌بێت وڵاتانی ناوچه‌كه‌ به‌ رێگای دیپلۆماتی و ئاشتییانه‌ كێشه‌كانی نێوانیان له‌باره‌ی سه‌رچاوه‌كانی وزه‌ و سنووره‌ ده‌ریاییه‌كان چاره‌سه‌ر بكه‌ن".





ئەم هەواڵە 5071جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad