English | عربی | Kurdî دواهەواڵ
ڕاستەوخۆ  
 
هه‌ولێر... له‌ ماڵێك 1500 ده‌مانچه‌ی مه‌ترسیدار ده‌ستی به‌سه‌ردا گیرا
2020-09-14 [12:26 PM]

ZNA - هه‌ولێر


 

 1500 دەمانچە لە ماڵێکدا لە گەڕەکی هەولێری نوێ دەستیان بەسەردا گیرا، دەمانچەکان تورکین، بە پارچە پارچەیی بە قاچاغ هێنراونەتە هەولێر و دواتر لە ماڵەکەدا کۆکراونەتەوە.

ترسناکیی ئەو دەمانچەیە وەکو هێزە ئەمنییەکان باسی دەکەن، لەوەدایە: هەرزانە و پێشتر خەڵک لەڕێگەی ئەو جۆرە دەمانچانەوە تاوانی کوشتنیان ئەنجامداوە.

هێزە ئەمنییەکان دەڵێن پارچەکانی دەمانچەکان لەلایەن کەسانی شارەزا خراونەتە سەر یەکدی، بۆیە "پێدەچێت ئەوانەی چەکەکەیان هێناوە، باند بن".

سەبارەت بە چۆنییەتی دۆزینەوەی چەکەکان، هاووڵاتییان زانیارییان بە هێزەکانی ئاسایش داوە، بۆ ئەوەی لێکۆڵینەوە بکەن، لەدوای چەند رۆژێکیش لە لیکۆڵینەوە، دەست بەسەر ماڵەکەدا گیراوە و دەمانچەکان لەنێو بالیف و کەلوپەلەکانی نێو ماڵەکە دۆزراونەتەوە.

ملازم رەشوان ئازاد، ئەفسەر لە بەڕێوەبەرایەتیی گشتیی ئاسایش رایگەیاند "سوپاسی هاووڵاتییان دەکەن، کە زانیارییان پێداین، دواتر بە هەماهەنگی هێزە ئەمنییەکان، توانیمان دەست بەسەر چەکەکاندا بگرین و خاوەنەکانیان دەستگیربکەین".

ئەفسەرەکەی ئاسایش هەروەها دەڵێ "ئەو جۆرە دەمانچەیە زۆر ترسناکە، چونکە هەرزانە و پێشتر خەڵک دەستگیرکراوە کە بەهۆی ئەو جۆرە دەمانچەیەوە خەڵکی کوشتووە".

بەپێی زانیارییەکانی ئەو جۆرە دەمانچانە تورکین، لە نێو هاووڵاتییاندا بە دەمانچەی "حەشدی شەعبی" ناسراون، نرخیان هەرزانە بەراورد بە دەمانچەی دیکە، کە لەنێوان 120 بۆ 135 دۆلارە بۆ هەر دەمانچەیەک.

ئەو چەکانەی دەستیان بەسەردا گیراوە زۆربەیان دەمانچەن

ئەو چەکانەی دەستیان بەسەردا گیراوە زۆربەیان دەمانچەن

K24





ئەم هەواڵە 3526جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad