 |
|
|||
ZNA – هەولێر بەرەبەیانی ئەمڕۆ دوو مووشەکی کاتیۆشا ئاراستەی ناوچەی سەوزی بەغدا کران، بەگوێرەی سەرچاوەکانی هەواڵیش، هەردوو مووشەکەکە، لەلایەن سیستەمی بەرگری ئاسمانی باڵیۆزخانەی ئەمەریکا لە ئاسمانی ناوچەکە تەقێنرانەوە. شانەی راگەیاندنی ئەمنی عێراق بڵاویکردەوە، ئەمڕۆ دوو مووشەکی کاتیۆشا ئاراستەی ناوچەی سەوزی بەغدا کران بەڵام لەلایەن سیستەمی بەرگری ئاسمانی باڵیۆزخانەی ئەمەریکا لە ئاسمانی ناوچەکە تەقێنرانەوە، هەروەها لە رێگەی خێرای دیوانییە بۆمبێک و لە سنووری پارێزگای بابلیش، بۆمبێکی دیکە بە کاروانی ئەو ئۆتۆمبێلانە تەقیوونەتەوە، کە کەلوپەلی لۆجستی بۆ هێزەکانی هاوپەیمانان دەگوازنەوە. چەند رۆژێك لەمەوبەر بەرپرسێكی باڵای ئیدارەی ترەمپ ئاشكرای كردبوو، دۆناڵد ترەمپ سەرۆكی ئەمەریكا بڕیاری كشاندنەوەی ھێزەكانیان لە عێراق دەدات و لە قۆناغی یەكەمدا یەک لەسەر سێی هێزەکانی لە عێراق دەکشێنێتەوە. ئەم هەواڵە 3328جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad