English | عربی | Kurdî دواهەواڵ
ڕاستەوخۆ  
 
راكان جبووری لەسەر كەیسی گەندەڵی گەشتكردنی لێ قەدەغەكرا و بانگهێشتی دادگا دەكرێت
2020-09-15 [09:41 AM]

ZNA – هەولێر


دەستەی دەستپاکی عێراق رایگەیاند، بەهۆی کەیسی گەندەڵی لە بونیادنانی 25 قوتابخانە لە کەرکووک، گەشتکردنی راکان سەعید، پارێزگاری کەرکووک بەوەکالەت قەدەغەکرا و بانگهێشتی دادگا کرا و بڕیاری  دەستگیر كردن بۆ 23 فەرمانبەر لە پارێزگای کەرکووک و بەڕێوەبەرایەتی گشتیی پەروەردە دەرکرا.

فەرمانگەی لێکۆڵینەوە لە دەستەی دەستپاکی عێراق، ئەمڕۆ سێشەممە 15-09-2020 راگەیێندراوێکی بڵاوکردەوە و دەڵێت "دادگای تایبەت بە کەیسەکانی گەندەڵی لە کەرکووک، بەپێی ماددەی 340ـی یاسای سزاکان، فەرمانی ئامادەبوونی پارێزگاری کەرکووک و بەڕێوەبەری باڵەخانەکانی قوتابخانەکانی کەرکووک لە پێشی دادگاکە دەرکرد".

فەرمانی بانگهێشتکردنی پارێزگاری کەرکووک و بەڕێوەبەری باڵەخانەکانی قوتابخانەکان "بەهۆی بەفیڕۆدانی سامانی گشتییە لە پرۆژەی بونیادنانی ژمارەیەک قوتابخانە، کە پێشتر پارچەکانی دروستکراون، کە درابوونە کۆمپانیایەکی بیانی بە گوژمەی 57ملیار و 894 ملیۆن و دینار، ئەو کەیسە پارێزگاری پێشووی کەرکووکیش دەگرێتەوە".

فەرمانگەی لێکۆڵینەوە لە دەستەی دەستپاکی عێراق راشیگەیاند، دادگای تایبەت بە کەیسەکانی گەندەڵی لە کەرکووک، بەهۆی کەیسی قوتابخانەکان، فەرمانی قەدەغەکردنی گەشتکردن و دەستگیرکردنی بۆ 23 فەرمانبەر لە پارێزگای کەرکووک و بەڕێوەبەرایەتی گشتیی پەروەردە دەرکرد.

دەستەی دەستپاکی عێراق لە کۆتایی مانگی ئابی 2020 رایگەیاند، کەیسێکی گەندەڵیمان لە بونیادنانی 25 قوتابخانە لە پارێزگای کەرکووک ئاشکراکرد، کە کۆمپانیایەکی بیانی جێبەجێیانی کردووە و ژمارەی قوتابخانەکانی لە 25 وە بۆ 18 قوتابخانە کەمکردووەتەوە و تەنانەت دیزاین و رووبەری قوتابخانەکانیشی گۆڕیوە، بە پێچەوانەی گرێبەستەکان و بەبێ رەزامەندی وەزارەتی پلاندانان.

 





ئەم هەواڵە 3364جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad